Disa mënyra për të rregulluar tensionin e ulët të gjakut

Ruaj hidratimin gjatë gjithë ditës, për të mos ulur tensionin

Hidratimi është thelbësor për të rritur tensionin. Të pini sa më shumë ujë i bën mirë sistemit kardiovaskular: është treguar se ata që pijnë të paktën 5 gota ujë në ditë, ulin rrezikun e atakut në zemër me më shumë se 40%! Uji është i mirë për zemrën, si pasojë, edhe për tensionin. Pini të paktën 2 litra në ditë. Nëse pastaj kaloni shumë kohë jashtë ose bëni lëvizje, kjo sasi duhet të rritet, në mënyrë që të shmanget hipotensioni që mund të shkaktojë dehidratim.

Kujdesu për ushqimin

Një dietë e shëndetshme dhe e ekuilibruar mund t’ju ndihmojë jo vetëm për mirëqenien tuaj në përgjithësi, por edhe për të ndihmuar në rregullimin e tensionit tuaj të gjakut.

Mundohuni të përjashtoni sa më shumë që të jetë e mundur nga dieta tuaj, të gjitha ato ushqime industriale që përmbajnë një sasi të madhe të yndyrave dhe sheqernave. Përkundrazi, përqendrohuni në produkte të shëndetshme: mish dhe peshk të bardhë, arra, fruta dhe perime. Për të ndihmuar në rritjen e tensionit është mirë të merrni një sasi të madhe folatesh (ju mund t’i gjeni sidomos në perime si brokoli dhe spinaqi) dhe vitamina B12, shumë të dobishme për sistemin kardio-vaskular: gjithashtu konsumoni, djathë, qumësht, kos dhe peshk.

Së fundi, më mirë hani vakte të vogla, por të shpeshta, duke kufizuar karbohidratet komplekse (makarona dhe bukë të bardhë), pasi janë më të vështira për t’u tretur.

Jo alkoolit, po kafeinës

Nëse pirja e sa më shumë uji është e dobishme si një mënyrë për të rritur tensionin e ulët të gjakut, pirja e alkoolit – përkundrazi – është krejtësisht kundërproduktive: alkooli në fakt çon në dehidratim, duke ulur nivelin e vitaminës B12 në gjak, e cila luan një rol vendimtar në rregullimin e tensionit. Nëse vuani nga tensioni i ulët i gjakut, është më mirë të shmangni plotësisht alkoolin, ose ta kufizoni atë në minimum. Përkundrazi, konsumoni pije me kafeinë (edhe në këtë rast, pa e ekzagjeruar!) Mund të jetë një ndihmë e vlefshme. Kafeina, në fakt, kufizon enët e gjakut që çojnë në rritje të presionit në arterie. Nëse do të keni një rënie, përgatitni një kafe të mirë!

Provoni ilaçet natyrore

Disa ilaçe natyrale mund t’ju ndihmojnë të ngrini tensionin e ulët të gjakut, veçanërisht nëse hipotensioni nuk është aq i rëndë sa të kërkojë ilaçe. Likuiricia, për shembull, është e njohur për aftësinë për të rritur tensionin e gjakut, si dhe rrënjë xhenxhefili, rozmarinë, kanellë dhe piper.

Praktikoni sport rregullisht

Kryerja rregullisht e aktivitetit fizik ka përfitime të panumërta në trupin tonë, duke përfshirë rregullimin e tensionit të gjakut, duke ndihmuar në rritjen e tij në rast të hipotensionit. Nuk është e nevojshme të bëni një stërvitje prej atleti! Mjafton që të ecni gjysmë ore në ditë me ecje të shpejtë, për të mbajtur zemrën në formë dhe për të ndihmuar tensionin.

Është më mirë të shmangni ushtrimet që përfshijnë sforcim fizik, të tilla si ngritja e peshave: nëse tensioni ende nuk është rregulluar, ato mund të shkaktojnë probleme në muskuj.

Artikuj të ngjashëm