Tiroidja është një gjëndër e vogël në formë fluture në qendër të qafës, por është thelbësore për funksionimin korrekt të të gjithë organizmit: kryen një funksion balancues të hormoneve që ndikojnë në metabolizëm, domethënë rregullon mënyrën sesi ushqimi konvertohet në energji.
Por simptomat e mosfunksionimit të tiroideve nuk janë të lehta për t’u identifikuar: vlerësohet se 60% e njerëzve të prekur nuk janë të vetëdijshëm për këtë. Rritja e peshës, lodhja, presioni i lartë i gjakut dhe palpitacioni i zemrës, por edhe humbja e kujtesës dhe infertilitetit, janë disa nga kambanat e alarmit që duhet të monitorohen.
- Hormonet e tiroides dhe hipertensioni arterial
Hormonet e tiroides kanë efekte të rëndësishme në zemër dhe enët e gjakut, duke favorizuar fillimin e hipertensionit dytësor arterial, i cili është pikërisht për shkak të çrregullimeve të tiroides. Një tejkalim i hormoneve të tiroides shkakton rritje të rrahjeve të zemrës (takikardia), forca e tkurrjes së zemrës dhe gjakut që del nga zemra.
- Shmangni duhanpirjen dhe alkoolin
Pirja e duhanit gjithashtu ka efekte negative në sistemin endokrin dhe mbi të gjitha, në tiroide. Tek duhanpirësit, në fakt, ka nivele më të larta të hormoneve të tiroides. Kjo mund të çojë në një rritje të rrezikut të zhvillimit të hipertiroidizmit. Abuzimi me alkoolin në afat të gjatë, nga ana tjetër, mund të rrisë shanset për të zhvilluar një tumor malinj në këtë gjëndër.
- Zgjidhni aktivitetin e duhur fizik
Sporti ndikon në funksione të ndryshme të sistemit endokrin, duke stimuluar funksionimin korrekt të tiroides. Megjithatë, ata që vuajnë nga hipotiroidizmi duhet të shmangin stërvitje tepër të gjata dhe të forta.
- Ruajtja e ekuilibrit hormonal
Tiroidja rregullon veprimtarinë e organeve dhe mban funksionet e saj në ekuilibër. Hormonet e tiroides kontrollojnë konsumimin e oksigjenit të qelizave në të gjitha indet, rregullojnë metabolizmin, gjithashtu rregullojnë temperaturën e trupit.
- Ndiqni dietën e duhur
Për një tiroide të shëndetshme, të ushqyerit është gjithashtu i rëndësishëm. Ushqimet që duhen preferuar janë ato të pasura me jod, drithërat pa gluten, vezë, mish etj.
Për ata që vuajnë nga hipotiroidizmi, seancat e palestrës duhet të përfshijnë gjithashtu ushtrime që luftojnë mbajtjen e lëngjeve që shpesh shoqëron hipotiroidizmi. Nuk rekomandohet një ushtrim intensiv fizik.
Burimi / pernenat.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
