Pothuajse të gjitha vendet pritet të shohin rritje të konsiderueshme të numrit të personave të moshuar nga viti 2015 deri në vitin 2030 dhe rritja e tyre do të jetë më e shpejtë në vendet në zhvillim.
Duke qenë se numri i personave të moshuar po rritet, tema tabu e abuzimit të të moshuarve ka filluar të fitojë ndjeshmëri në të gjithë botën.
Gjetjet e fundit tërheqin vëmendje të posaçme për shfrytëzimin financiar të personave të moshuar si një problem i zakonshëm dhe serioz. Bazuar në dëshmitë, 5 deri në 10 për qind e njerëzve të moshuar në nivel global mund të përjetojnë një lloj shfrytëzimi financiar. Sidoqoftë, abuzimi i tillë shpesh nuk raportohet, pjesërisht për shkak të turpit dhe sikletit të viktimave ose paaftësisë së tyre për ta raportuar atë.
Shfrytëzimi financiar merr shumë forma. Në vendet e zhvilluara, abuzimi shpesh përfshin vjedhjen, falsifikimin, keqpërdorimin e pronës dhe autorizimin, si dhe mohimin e qasjes në fonde. Pjesa dërrmuese e shfrytëzimit financiar në vendet më pak të zhvilluara përfshin akuzat e magjisë që përdoren për të justifikuar grabitje të pronës, nxjerrjen jashtë shtëpive dhe mohimin e trashëgimisë familjare tek vejushat. Faktorët e rrezikut për viktima të shfrytëzimit financiar variojnë nga izolimi social dhe dëmtimi njohës ndaj varësisë emocionale ose fizike të kryerësit, varësia financiare e abuzuesit ndaj personit të moshuar, rregullimet e caktuara të jetesës, varfëria…
Në veçanti, tema e këtij viti nënvizon rëndësinë e parandalimit të shfrytëzimit financiar në kontekstin e abuzimit të pleqve dhe respektimin e të moshuarve.
Shtetet marrin inisiativa kundër abuzimit financiar, neglizhencës, shfrytëzimit si një krizë e shëndetit publik!
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
