Evropa Perëndimore ka parë përmirësime të konsiderueshme në normat e diagnozës dhe një rënie të përgjithshme të shkallëve të reja të infeksionit. Sidoqoftë, në Evropën Lindore dhe Azinë Qendrore shkalla vjetore e infeksioneve me HIV vazhdon të rritet.
Vdekjet nga sëmundjet e lidhura me SIDA në këtë rajon janë rritur 300 përqind në dy dekadat e fundit. Dita Botërore e SIDA-s është njëkohësisht një kohë për të festuar përparimet në të gjithë Evropën Perëndimore dhe një kohë për veprim të vendosur për të adresuar pabarazitë në kujdesin për HIV në EECA për të siguruar që askush të mos mbetet pa mjekimin me atiretrovirale që shpëtojnë jetë dhe njëkohësith pengojnë përhapjen e virusit të njerëzit e shëndetshëm.
Për të adresuar sfidat në rajon, Gilead Sciences dhe Fondacioni Elton John për AIDS kanë krijuar një partneritet për të krijuar RADIAN, një iniciativë themelore e cila synon të tejkalojë hendekun në luftën kundër SIDA-s dhe HIV-it. “Eshtë e papranueshme që çdo ditë më shumë se 400 njerëz infektohen me HIV, dhe 100 vdesin nga sëmundje të lidhura me SIDA në Evropën Lindore dhe Azinë Qendrore.
Një dekadë më parë personat e prekur nga virusi HIV humbnin jetën, por sot falë një shërbimi më cilësor dhe mjekimeve me ilaçet antiretrovirale kalimi i HIV në AIDS është i parandalueshëm, prandaj testimi në kohë është i këshillueshëm për të nisur në kohë trajtimin.
Burimi balkanweb
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.