Është koha e vitit kur njerëzit zakonisht fillojnë të ndjejnë të ftohtë, sidomos në duar dhe këmbë. Ndërkohë që disa fajësojnë motin apo luhatjet në temperaturën e organeve, ekzistojnë shkaqe të tjera të mundshme, të cilat janë shumë më serioze në natyrën e tyre, ashtu si ato do të shpjegohen më poshtë.
- Qarkullimi i dobët i gjakut
Kur njerëzit pyesin “pse duart dhe këmbët gjithmonë të ftohta”, një nga përgjigjet më të zakonshme është qarkullimi dobët i gjakut. Kjo mund të ndodhë si rezultat i një jetese jo të shëndetshme dhe pirja e tepërt e duhanit, e cila shkakton ngushtimin e enëve të gjakut dhe kjo zvogëlon rrjedhjen e gjakut në gjymtyrë.
- Sëmundje Raynaud-së
Pavarësisht nga natyra e saj relativisht e panjohur, sëmundja Raynaud-së prek 10 milionë njerëz në Mbretërinë e Bashkuar dhe 90% e tyre janë femra. Enët e gjakut në duar dhe këmbë reagojnë negativisht ndaj temperaturave të ulta apo të stresit, gjë e cila sjell kufizimin e furnizimit me gjak në të gjithë trupin. Një tjetër simptomë e kësaj mund të jetë ngjyra e zbehtë ose e errët e duarve dhe e këmbëve.
- Anemia
Anemia shkakton lodhje, zbehje të lëkurës, së bashku me duart dhe këmbët e ftohta. Kjo shpesh ndodh si rezultat i mungesës së hekurit. Anemia shpesh mund të çojë në sëmundje Raynaud-së në qoftë se nuk diagnostikohet.
- Diabeti
Diabeti mund të jetë një shkaktar kryesor për duart dhe këmbët e ftohta. Një kombinim i qarkullimit të dobët dhe tensionit të lartë të gjakut e bëjnë të vështirë që gjaku të arrijë në gjymtyrët tuaja.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
