Një familje irlandeze është bërë një çështje debati në mbarë botën, pasi publikoi në rrjetet sociale intimitetin e tyre. Çifti Kim dhe Ryan Constable kanë postuar një fotografi të një krevati të pazakontë, prej 5 metërsh ku flenë me katër fëmijët e tyre, 11-vjeçarin Corey, 9-vjeçarin Kai, 6-vjeçarer Maya dhe Jackin 5-vjeçar.
Familja fle në të njëjtën dhomë, si shtëpia dhe shtrati ndahet me të gjithë. Sipas prindërve, fakti që fëmijët e tyre flenë në të njëjtin krevat nuk ka ndikuar në çastet intime të çiftit dhe gjithashtu lehtëson kujdesin e fëmijëve gjatë natës.
Çifti tha se vendimi për të blerë shtratin gjigant është bërë, sepse fëmijët e rritur nuk duan të kthehen në dhomat e tyre për t’iu liruar vendin atyre që janë më të vegjël, ata duhet të jenë me prindërit e tyre.
Pra, zgjidhja e gjetur nga Kim dhe Ryan ishte blerja e një shtrati që mund t’i nxë të gjithë. Akademia Amerikane e Pediatrisë thotë se fëmijët deri në një vit duhet të flenë me prindërit e tyre për të parandaluar sindromën e vdekjes së papritur.
Por psikologët nuk këshillojnë që fëmijët të qëndrojnë në shtratin e prindërve të tyre, sepse kjo, përveç shqetësimit të jetës seksuale të çiftit, mund të ndikojë në zhvillimin e fëmijëve, duke i bërë ata më të varur dhe të pasigurt. Përveç rrezikut që ata perceptojnë disa lëvizje të marrëdhënieve intime të prindërve.
Pas publikimit të historisë familjare, portalet anembanë botës kanë komentuar mbi këtë temë. Shumë e dënojnë sjelljen dhe pohojnë se kjo nuk është pozitive për fëmijët ose për prindërit. Ka edhe ata që e duan idenë dhe thonë se duan të kenë një shtrat të tillë në shtëpinë e tyre.
Burimi / italiafeed.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
