Ne të gjithë jemi të bukur në mënyrën tonë, të gjithë kemi mbijetuar dhe kemi mënyrat tona për të përballuar stuhitë e shumta me të cilat ndeshemi në jetë. Megjithatë, disa njerëz thjesht janë më të fortë se të tjerët, më të pavarur, më elastikë dhe më të përgatitur për sfida të ndryshme në jetë.
Njerëzit e fortë janë gjithmonë të gatshëm për të inkurajuar të tjerët të ecin përpara, përballen me problemet pa frikë dhe me një buzëqeshje në fytyrë, nuk heqin kurrë dorë pa bërë më të mirën e tyre për të ndryshuar rrjedhën e ngjarjeve. Sidoqoftë, ajo që shpesh harrojmë është që të gjithë jemi njerëz, kështu që edhe njerëzit e fortë mund të lodhen nga gjithçka, ashtu si gjithë të tjerët.
Ndryshimi është se njerëzit nuk e presin atë prej tyre, dhe njerëzit e fortë shpesh ndjehen nën presion dhe vetëm. Të jesh një hero nuk është gjithmonë puna më shpërblyese në botë dhe njerëzit e fortë kanë gjithashtu nevojë për dashuri. Edhe ata duhet të shpëtohen, ashtu si shpëtojnë vazhdimisht të tjerët. Ata kanë problemet e tyre që mund t’i thyejnë ata.
Të qenit i fortë për një kohë të gjatë mund t’i bëjë këta njerëz të harrojnë nevojat e tyre, kështu që ata kanë nevojë për pushim për të rikuperuar dhe rifituar kontrollin e jetës së tyre. Edhe personi më i fortë që njihni mund të lodhet. Të jesh një “shpatull për të qarë” për të tjerët dhe “thjesht i mirë” sa herë që pyeten për ndjenjat e tyre, ndonjëherë mund të jetë një barrë shumë e rëndë për tu bartur.
Kjo nuk është një shenjë e dobësisë dhe nuk do të thotë që ju nuk jeni personi i fortë që të gjithë besojnë. Është plotësisht normale të lodhesh herë pas here dhe të ndjesh nevojën për dashurinë dhe kujdesin që u ofron të gjithëve përreth jush. Njerëzit e fortë nuk kanë superfuqi, kështu që nëse njihni dikë, jepi kohë për të rimbushur bateritë.
I fortë bëhesh pas vështirësive të shumta të jetës dhe nëse keni një person të tillë afër, sigurohuni që t’i tregoni se ata do kenë gjithmonë mbështetjen, vëmendjen dhe dashurinë tuaj. Nëse dhe vetë ju jeni një person i fortë, mos harroni se duhet të kujdeseni për veten tuaj në mënyrë që të jeni në gjendje t’i ndihmoni të tjerët, kështu që merrni kohën tuaj dhe rifitoni forcën tuaj sa herë që e ndjeni të nevojshme. Ju e meritoni atë.
Burimi / https://losapeviche.online/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
