Festa e Krishtlindjes është shumë pranë dhe si çdo vit, miliona familje grumbullohen nëpër dyqane për të zgjedhur dhuratën ideale për fëmijët e tyre, por kini kujdes që të mos e teproni: sipas ekspertëve, dhënia e disa lodrave, për aq kohë sa janë zgjedhur mirë, ndihmon për të përmirësuar shkallën e vëmendjes së të rinjve dhe për të stimuluar kreativitetin e tyre.
Pra, cilat lojëra mund të inkurajojnë zhvillimin njohës të fëmijëve dhe të rinjve?
Zhvillimi i aftësive sensuale, sociale dhe intelektuale të fëmijëve është qëllimi i sistemit arsimor, sipas Eva Balducchi, bashkëthemeluese e Kolegjit Baby&Junior dhe festa e Krishtlindjes mund të jetë një moment i rëndësishëm për të lejuar fëmijët të marrin ndërgjegjësimin e aftësive të tyre.
Pedagogia Mariarosa Porro rithekson rëndësinë e viteve të para të jetës për zhvillimin e gjuhës dhe aftësive motorike të fëmijës: nga lindja deri në gjashtë vjet, fëmijët e kalojnë kohën e tyre duke luajtur dhe për këtë arsye dhuratat e Krishtlindjes siç janë lojërat për ndërtim dhe enigmat janë ideale për të ofruar mundësi të pafundme për të krijuar lojëra të ndryshme.
Dhuratat më të përshtatshme janë sigurisht ato që ndërthurin mësimin me lojën, stimulojnë zhvillimin intelektual sipas moshës dhe stimulojnë imagjinatën dhe krijimtarinë. Në fakt, përmes lojërave, fëmijët mësojnë të interpretojnë botën përreth tyre, duke rritur aftësitë e tyre njohëse, gjuhësore dhe motorike.
Loja klasike për ndërtim: kush nga ne nuk ka luajtur me tulla që ndërtojnë gjithçka? Për më tepër, ndërtimi është lojë trajnimi dhe zgjidhet nga 62% e familjeve, sipas një studimi të publikuar në portalin britanik Metro.
Për ata që kanë durim, enigma: enigma nuk është vetëm një argëtim shumë i popullarizuar në mesin e të rriturve, por është gjithashtu i përsosur për të vegjlit pasi stimulon aktivitetin e kujtesës. Sipas hulumtimeve nga Universiteti Harvard, rindërtimi i një imazhi nga një seri copash të ndryshme ose kompozimi i fjalive gjithnjë e më komplekse me pjesët e ndryshme, paraqet një stimul të madh për fëmijët drejt krijimtarisë dhe logjikës.
Filloni programimin me kodim: mes dhuratave për Krishtlindje të rekomanduara nga ekspertët ka edhe lojëra për të mësuar të programoni. Sipas hulumtimeve nga Universiteti i Virginia dhe publikuar nga BBC, në fakt, “kodimi” i ndihmon fëmijët të zhvillojnë të menduarit llogaritës, i cili është një proces logjik-krijues që lejon që një problem i ndërlikuar të ndahet në pjesë të ndryshme.
Ricikloni dhe shpikni: pse të mos bëni një dhuratë alternative? Materialet e ricikluara që vijnë nga përdorime të ndryshme mund të ridizajnohen, rreshtohen, montohen dhe mund të jenë një zgjedhje e shkëlqyeshme për Krishtlindje. Sipas një studimi të botuar nga Akademia Amerikane e Pediatrisë (AAP), riciklimi ndihmon fëmijët që të përmirësojnë vetëvlerësimin e tyre dhe inkurajon shoqërizimin.
Burimi / https://www.tgcom24.mediaset.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
