Chamath Palihapitiya, një ish-ekzekutiv i Facebook, tha në një konferencë të Stanfordit muajin e kaluar se i vjen keq për krijimin e mjeteve që “po e shkatërrojnë themelin e mënyrës sesi njerëzit sillen midis njëri-tjetrit”.
Mediat sociale virtuale kanë një mangësi shumë anti-sociale. Nuk mund të transmetojë temperaturën. Kjo krijon një përvojë shoqërore të shkyçur sepse ne njerëzit duhet të ndiejmë praninë e një personi tjetër në mënyra të shumta, duke përfshirë ngrohtësinë fizike.
Mbajtja e një dore të ngrohtë mund të çlirojë një përgjigje stresi.
Ngrohja e kontaktit fizik mund të ulë ritmin e zemrës dhe presionin e gjakut gjatë një eksperience stresuese dhe dashuria fizike midis partnerëve është e lidhur me nivelet më të ulëta të kortizolit.
Në një studim të kohëve të fundit, aktiviteti i trurit të 110 vullnetarëve (rreth gjysma e të cilëve ishin femra) u monitoruan pas goditjeve të vogla elektrike në këmbët e tyre teksa mbanin dorën e dikujt. Ata u testuan në tri kushte: ata mbanin dorën e personit që ata zgjodhën për të sjellë në studimi (një mik apo partner), ata mbajtën dorën e një të huaji ose nuk mbanin dorën e askujt.
Mbajtja e dorës së personit që ata sollën rezultoi në një ndryshim të rëndësishëm në modelin e aktivitetit të trurit. Ka pasur më pak aktivitet në dACC, PCC, korteksin parietal të poshtëm (PPC), vlPFC dhe dlPFC , rajone të lidhura me vetë-rregullimin, në krahasim me ato që nuk mbajtën dorën e askujt.
Modeli i aktivitetit të trurit kur mbanin dorën e një të huaji ishte i krahasueshëm me mos mbajtjen e dorës së askujt.
Nëse nuk mund të gjesh një dorë të ngrohtë, mbaj një filxhan kafeje. Ne kemi një problem në rritje të vetmisë. Disa studime sugjerojnë se ngrohtësia fizike mund të jetë një zëvendësues efektiv nëse nuk ka dorë të ngrohtë për të mbajtur, të paktën në disa raste. Ngrohja fizike dhe ngrohtësia emocionale mund të jenë në një farë mase të këmbyeshme. Rritja e njërës kompenson deficitin e tjetrës.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
