Zyra Europiane e Promovimit të Vlerave Themelore të Trashëgimisë Kulturore (The Voice of Cultural Heritage in Europe), e njohur më shkurt me emrin Creative Europe, vlerësoi më datën 4 maj 2016 me Çmimin Special “Europa Nostra” dosjen e përgatitur nga tre specialistët shqiptarë, me titullin analitik “Eposi i këngëve heroike-legjendare, përmendore e trashëgimisë kulturore në Ballkan”. Komisioni qeveritar për përgatitjen e dosjes shkencore përbëhej nga dr. prof. Shaban Sinani, prof. dr. Zymer Neziri dhe prof. dr. Vaso Tole. E5 është e para pasuri që fiton çmimin “Europa Nostra” si propozim i Qeverisë së Kosovës. Ky çmim është i kategorisë Dosje Kërkimore dhe shënjon një hap shumë të rëndësishëm përpara në rrugën drejt regjistrimit përfundimtar të kësaj trashëgimie në listat e UNESCO-s. Çmimi është një vlerësim para së gjithash për trashëgiminë shpirtërore të popullit shqiptar, e njohur tashmë edhe zyrtarisht si pasuri ballkanike dhe përbërëse e Europa Nostra.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
