Studimet me të fundit pohojnë se, sa më shumë miq që një person ka në Facebook, aq më shumë rriten shanset që të zhvillojnë një infeksion të sipërm respirator.
Nëse kjo duket si një rastësi e çuditshme, kërkimet e mëparshme kanë lidhur median sociale me probleme më të mëdha të shëndetit mendor, si ankthi dhe depresioni. Dhe studiuesit në këtë studim besojnë se lidhja me shëndetin mendor mund të çojë gjithashtu në probleme me shëndetin fizik.
Për studimin, studiuesit në Universitetin Regis në Kolorado u kërkuan 89 studentëve të shëndetshëm të kolegjit që të plotësonin një anketë për shëndetin e tyre dhe përdorimin e Facebook.
Natyrisht, është e rëndësishme të kuptohet se një studim i 89 njerëzve nuk tregon aspak se përdorimi i Facebook shkakton infeksione të frymëmarrjes. Por lidhja mes ankthit të mediave sociale dhe problemeve të frymëmarrjes është interesante. Është një lidhje që është krijuar në hulumtimet e mëparshme dhe kështu nuk është e vështirë të besohet se mediat sociale mund të shkaktojnë ankth që pastaj shkakton probleme të frymëmarrjes.
Autori i studimit Jay P. Campisi iu drejtua përdoruesve të Facebook me një apel:” Nëse jeni duke kërkuar të ndiheni më pak të vetmuar ose të lumtur, duhet ta filloni me ekranin e kompjuterit dhe telefonit. Shkëputuni për pak kohë, shkoni diku dhe merrni frymë thellë. Harrojeni botën sociale dhe do vëreni ndryshimin.”
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
