Trashëgimia
Ka një rritje të rrezikut që të vuani nga depresioni klinik, nëse në rrethin familjar keni pasur dikë që ka vuajtur nga depresioni.
Faktorët biokimikë
Biokimia e trurit luan një rol shumë të rëndësishëm në çrregullimet depresive. Njerëzit me depresion të rëndë zakonisht vuajnë nga një çekuilibër i kimikateve të caktuara në tru.
Predispozitat për depresion rriten në situata të vështira
Vdekja e një anëtari të ngushtë të familjes, një mik, një sëmundje kronike, probleme personale, vështirësitë ekonomike, divorc, etj, situata të tilla mund të shkaktojnë episode depresive dhe, nëse vazhdojnë me kalimin e kohës, mund të çojnë në depresion klinik.
Çrregullim sezonal emocional, ose depresioni sezonal
Disa njerëz përjetojnë depresion gjatë periudhës së dimrit. Shkurtimi i orëve të ditës ndryshon ekuilibrin e kimikateve të caktuara në tru.
Personaliteti
Njerëzit të cilët kanë modele negative mendore, vetëvlerësim të ulët, ndjenjën e mungesës së kontrollit mbi rrethanat e jetës dhe tendencën për t’u shqetësuar shumë kanë më shumë gjasa të vuajnë nga depresioni.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
