Me siguri ju keni parë kopje të Titanikut, por rrallë mund të keni parë një kaq të bukur, të bërë me tulla Lego dhe punë e një fëmije autik. Ndoshta është kopja më e madhe e Titanikut, e ndërtuar për më shumë se 11 muaj. Kjo punë madhështore u krijua nga Brynjar Karl Bigisson, nga Reykjavik në Islandë.
Brynjari, i cili është 15 vjeç, ndërtoi kopjen me 56 mijë copa Lego, ajo është 8 metra e gjatë dhe 1.5 metra e lartë. Sipas tij, ai filloi të luante me Legos në moshën 5 vjeç dhe kalonte orë të tëra duke ndërtuar ndonjë gjë.
“Ndonjëherë mbështetem në manuale udhëzuese, ndërsa në momente të tjera përdor vetëm imagjinatën time”, shpjegon Brynjar.
Për shumë vite pasioni i tij më i madh ishte treni, por kur gjyshi i tij e mori atë për peshkim, anijet monopolizuan interesin e tij. Në atë kohë ai ishte 10 vjeç dhe e dinte mirë historinë e Titanikut.
“Kur shkova për herë të parë me nënën time në Legoland, Danimarkë dhe pashë gjithë ato modele mahnitëse të avionëve, anijeve dhe shtëpive, fillova të mendoj për modelin tim Lego. Pastaj mora idenë e ndërtimit të një modeli të Titanikut”, shtoi i riu.
Ishte një projekt mjaft i njohur, sepse ai kishte ndihmën e gjyshit të tij Ogmundsson, i cili është inxhinier dhe nënës së tij. Gjyshi e zvogëloi modelin origjinal Titanik në madhësinë e copave të Lego dhe ndihmoi nipin të përcaktojë numrin e saktë të pjesëve Lego të nevojshme.
“Nëse nuk do të isha mbështetur, kurrë nuk do ta kisha arritur ëndrrën time”, komentoi Brynjar.
Të afërmit dhe miqtë u ofruan bujarisht për të marrë pjesë në shpenzime, në mënyrë që fëmija të mund të blinte të gjitha pjesët e nevojshme për të krijuar modelin. Siç tregon vetë Brynjari, ai arriti të përqafojë autizmin e tij nëpërmjet ndërtimit të këtij riprodhimi të anijes më të famshme në botë. Fillimisht ai pati probleme të komunikimit, gjë që e bëri atë të ndihej i zhgënjyer dhe i vetëm, por ai fitoi më shumë besim tek vetja dhe filloi të jepte intervista për të ilustruar këtë ndërtim të mrekullueshëm.
“Kur e fillova këtë projekt, në shkollë ishte një mësues ndihmës që më ndihmoi në të gjitha aktivitetet, por tani unë mund të studioj pa asnjë mbështetje. Aftësit e mia janë përmirësuar dhe unë kam bërë miqësi me disa studentë. Kam pasur mundësi për të udhëtuar, për të eksploruar dhe për të takuar njerëz të pabesueshëm”, përfundoi Brynjar.
Nëna e djalit të ri Brynjar, i cili në të kaluarën ka pasur gjithmonë shqetësime të shumta për të ardhmen e djalit të saj, sot thotë se është më e qetë, e lumtur për të ndarë me prindërit e fëmijëve të tjerë autikë, shqetësimet, por edhe ndërgjegjësimin se në këtë botë ka gjithashtu një vend për ta dhe ëndrrat e tyre që të realizohen.
“Ndihmoni fëmijën tuaj kur ai dëshiron të realizojë një mision, një ëndërr, një qëllim që e fascinon atë. Dëgjojeni atë me kujdes, përpiquni ta mbështetni atë me çdo mjet të mundshëm. Mund të jetë investimi më i mirë për të ardhmen e tij“. Është mesazhi i nënës së Brynjarit për të gjithë prindërit dhe jo vetëm për fëmijët autikë.
Burimi / incampagna.piccolestorie.net
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
