Shpesh, për të mbrojtur fëmijët nga efektet negative të një situate stresuese, prindërit kanë tendencën t’u buzëqeshin atyre edhe nëse nuk janë të lumtur. Një studim i ri kanadez ka zbuluar se ky veprim është i kotë, pasi fëmijët janë në gjendje të kuptojnë dhe përgënjeshtrojnë lumturinë e rreme të prindërve të tyre, kur ata ndihen të trishtuar apo të mërzitur. Kjo aftësi zhvillohet te fëmijët duke filluar që nga muaji i 18-të i jetës së tyre, sipas një studimi të kryesuar nga Sabrina Chiarella, pedagoge në Universitetin Concordia. Të dhënat e studimit kanë nxjerrë në pah se fëmijët 15-muajsh nuk mund të kuptojnë shprehitë e fytyrës, por sapo mbushin 18 muaj arrijnë të kuptojnë trishtimin e prindërve të tyre, edhe nëse ata mundohen ta fshehin. Ky studim është botuar në revistën Infancy, e cila është revista zyrtare e shoqatës ndërkombëtare për studimet mbi foshnjat.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
