Çdokush dëshiron që fëmijët të binden dhe të respektojnë rregullat, por këtë herë shkenca përkrah fëmijët kokëfortë dhe rebelë. Mesa duket, sa më kokëfortë të jenë fëmijët, aq më i madh është shansi që ata të jenë të suksesshëm në punë në të ardhmen.
Fëmijët kokëfortë
Nënat e dinë se menaxhimi i fëmijëve veçanërisht kokëfortë nuk është një detyrë e thjeshtë. Ata janë gjithmonë atje, gati për të thënë “jo”, për të sfiduar rregullat, për të sfiduar ndonjë autoritet.
Megjithatë, një studim ka deklaruar se fëmijët më kokëfortë janë ata që në të ardhmen, do të jenë më të suksesshëm në shkollë dhe në punë. Mund të duket si një paradoks, por nuk është. Në fakt, kjo është konfirmuar nga shkenca.
Studimi me fëmijët
Studimi u krye në Shoqatën Psikologjike Amerikane dhe shqyrtoi fëmijët e moshës 8 deri në 10 vjeç, deri në moshën 40 vjeçare. Rezultatet e hulumtimit treguan se individët që ishin shumë kokëfortë si fëmijë, duke sfiduar rregullat dhe autoritetet, më pas u bënë të rritur të suksesshëm. Si? Me kalimin e kohës ata kanë treguar më shumë vetësiguri, kanë qenë të vendosur dhe madje kishin më shumë gjasa për të mbrojtur interesat e tyre.
Kur rriten, ata nuk heqin dorë lehtë, edhe nëse ka pengesa, dhe veçanërisht nëse kanë një qëllim duhet ta arrijnë atë me çdo kusht.
Fëmijë kokëfortë, të rritur të suksesshëm
Si është e mundur që fëmijët e kokëfortë të bëhen të rritur të suksesshëm në të ardhmen?
Argumenti është ky: fëmijët që kundërshtojnë rregullat dhe sfidojnë këdo pastaj priren të jenë më konkurrues në aspekte të ndryshme. Shkurtimisht, çdo prind do të donte fëmijët e bindur dhe të respektueshëm, por sipas shkencës një e ardhme e mirë kërkon më shumë kokëfortësi.
Burimi / pernenat.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
