Sipas disa studimeve të fundit në fushën e mjekësisë, përdorimi i grimcave të arit mund të ndihmojë personat që kanë probleme me shikimin, konkretisht atyre që vuajnë nga AMD- ja, një sëmundje që shkakton vështirësi në lexim, dallim të ngjyrave dhe fytyrave të personave të tjerë.
Pacientët zakonisht trajtohen me injeksione të vazhdueshme mujore direkt në sytë e tyre.
Studiuesit australianë dhe kinezë besojnë se përdorimi i një xheli, i cili përbëhet nga grimca ari mund të jetë një zgjidhje më e mirë për ta.
Sipas studiuesit australian Johan Basuki, “ideja është që të krijohet një xhel i efektshëm, të cilin pacientët mund ta përdorin vetëm një herë në gjashtë muaj”.
Eksperimentet e para deri më tani janë bërë te lepujt, por sipas studiuesve duhet kohë para se ky mjekim të përdoret te njerëzit.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
