Nuk mjafton të thuash se nuk është e vërtetë, por të zbulosh edhe Pse-në? Publikimi i një lajmi në një portal italian, të cilin e përkthyem edhe ne, duke e cituar, ka shkaktuar një valë reagimesh midis lexuesve dhe punonjësve të medies.
Ja si qëndron e vërteta e asaj fotografie:
Rosa Camfield, një grua 101-vjeçare teksa mban në duar stërmbesën e saj, ka bërë bujë në Internet edhe më 30 mars 2015. Fillimisht, fotoja është postuar nga mbesa e saj, Camfield Sara Hamm, e cila ishte befasuar nga shpërndarja e milionave njerëzve në Internet.
“Foto është marrë nga unë, kur vajza ime Kaylee ishte vetëm 2 javësh. Ajo ishte në fakt dita kur ajo u shtrua në spital”.
“Gjyshja ishte e zgjuar dhe gjithmonë e lumtur edhe pse 101 vjeçe. Ishte argëtuese dhe tregonte shumë ndodhi”, është shprehur 33-vjeçarja Hamm për ABC News.
“Ajo vdiq mbrëmë, kështu që kjo ishte shumë e hidhur,” shtoi Hamm.
Camfield u lind më 13 qershor 1913. Profesioni i saj ishte mësuesia dhe pjesën më ta madhe të jetës e ka kaluar në shtetin e Miçiganit. Rosa Camfield, 101 vjeç vdiq më 30 mars, 2015 , pasi kjo video u bë virale në internet.
Foto kishte për qëllim të tregonte marrëdhënien midis brezave, çka nxiti edhe të tjerë të bëjnë të njëjtën gjë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
