Anemia, apo mungesa e hekurit në organizëm, mund të çojë në humbjen e dëgjimit. Sipas një studimi të botuar në JAMA Otolaryngology – Head & Neck Surgery, humbja e aftësisë për të dëgjuar është e lidhur me aneminë.
Dy në tre persona në moshë mbi 65 vjeç, në Shtetet e Bashkuara të Amerikës vuajnë nga mungesa e dëgjimit, e cila lidhet me hipertensionin, konsumimin e duhanit dhe diabetin. Megjithatë, arsyet e vërteta se përse anemia mund të jetë e lidhur me humbjen e dëgjimit nuk janë kuptuar ende plotësisht, por ka disa shtigje apo hipoteza të mundshme se përse ndodh kjo.
Shkaqet e humbjes së dëgjimit
Për shembull, furnizimi me gjak në veshin e brendshëm nëpërmjet arteries labirint është shumë e ndjeshme ndaj dëmtimit ishemik (dëmet e shkaktuara nga rrjedhja e gjakut), e cila me siguri mund të luajë një rol. Furnizimi i gjakut pra, është në mënyrë të qartë një faktor i rëndësishëm në humbjen e dëgjimit. Një tjetër mekanizëm i mundshëm përfshin myelin, një substancë, e cila është e rëndësishme për kryerjen efikase të sinjaleve përgjatë fibrave nervore.
Hekuri i reduktuar në trup shkakton avari në prodhimin e kësaj substance. Nëse myelin është i dëmtuar, dëgjimi mund të reduktohet. Hapi i ardhshëm për studiuesit do të jetë për të kuptuar nëse trajtimi i anemisë mund të ndikojë pozitivisht në humbjen e dëgjimit. / Panorama /
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
