Rreziku i presionit të lartë të gjakut mund të zvogëlohet duke bërë disa ndryshime në mënyrën e ushqyerit apo stilin e jetesës. Simptomat e hipertensionit vdekjeprurës mund t’i parandaloni duke ngrënë disa ushqime të caktuara.
Megjithatë, tani ekspertët shëndetësorë kanë treguar se edhe lëngu i domates mund t’jua zvogëlojë shtypjen e gjakut pasi është i pasur me kalium. Kaliumi është mineral i domosdoshëm në të cilin trupi mbështetet për të shmangur shtypjen e gjakut, sepse balancon efektet negative të sodiumit.
Sasia e madhe e sodiumit rrit shanset e zhvillimit të hipertensionit. Pra, sa më shumë sodium të hani, aq më të rrezikuar jeni nga presioni i lartë i gjakut. Përveç lëngut të domates, edhe lëngu i portokallit dhe bananet janë të mbushura me kalium dhe ndihmojnë në kontrollimin e shtypjes së gjakut.
Ekspertët sugjerojnë që të pini 150ml lëng domateje apo portokalli në ditë, ose ta hani një banane të madhësisë mesatare. Përveçse zvogëlon rrezikun e hipertensionit, konsumimi i frutave të mbushura me kalium reduktojnë edhe rreziqet e zhvillimit të disa llojeve të kancerit, por edhe të sulmeve të zemrës.
Burimi / telegrafi.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
