Si mund t’u mësojmë fëmijëve të duan dhe të kërkojnë të bukurën? Si mund t’u mësojmë atyre vlerën e angazhimit? Ka një përgjigje, dhe është muzika. Psikologët kanë studiuar gjatë përfitimet që sjell muzika për ata që e luajnë atë dhe ata që e dëgjojnë. Nga efekti Mozart në zhvillimin e inteligjencës së shumëfishtë, nuk ka dyshime që muzika është e mirë për të rriturit dhe fëmijët.
Sot shoqëria jonë ka nevojë për muzikë (si edhe për artet): jetojmë në epokën e konsumit dhe varësisë nga paratë, por ne nuk jemi në gjendje të njohim bukurinë. Çdo ditë ne bëjmë zgjedhjet tona të udhëzuara (për të mos thënë të manipuluara) nga marketingu dhe ata që janë të interesuar të na shtyjnë nga njëra anë apo tjetra. Megjithatë, një përparim është i mundur: është kultura e bukurisë autentike. Secili prej nesh, brenda vetes, ka ndjeshmërinë e nevojshme për të njohur bukurinë, për të prodhuar diçka unike dhe të mrekullueshme. Muzika, si arti, është shkëndija e nevojshme për të nxjerrë këtë vetëdije.
Në pamje të parë kjo duket si diçka e vogël, por ky është revolucioni arsimor që na nevojitet: zhvendosja e vëmendjes nga produktet (paratë dhe artikujt që mund të blihen) në proceset (puna, arti dhe përdorimi) atë që bëjmë në kohën tonë). Përmes muzikës, ky pasazh është lehtësisht natyral.
Për fat të keq, jetojmë në një vend që nuk e mbështet studimin e muzikës, duke filluar nga kopshti dhe duke vazhduar gjatë gjithë periudhës së studimit (brenda dhe jashtë shkollës). Kështu, përgjegjësia për t’i sjellë fëmijët më afër kësaj praktike të mrekullueshme bie mbi prindërit, me pasoja të konsiderueshme ekonomike.
Burimi / portalebambini.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
