Është thelbësore të mësoni t’i përdorni qirinjtë ashtu si duhet. Qirinjtë përfaqësojnë dritën, ngrohtësinë, shpirtin dhe bashkëveprimin e elementit Zjarr në magji. Shumë formula magjike punojnë në bazë ngjyrave me trupat qiellor dhe qëllimet magjike. Në kohët e lashta, u favorizuan triada e ngjyrave të bardha të kuqe ose të shtatë ngjyrave planetare.
Qiriu i bardhë
E bardha është ngjyra “universale” sepse përfshin të gjitha ngjyrat në mënyrë të ekuilibruar dhe harmonike, që përkthehet në vibrime pozitive. Këta qirinj janë një alternativë e besueshme nëse nuk keni qirinj me ngjyrë tjetër. E bardha është ngjyra e spiritualitetit më të lartë, e hyjnisë femërore në formën e saj më të lartë. Ajo simbolizon ndriçimin, paqen, pastërtinë, sinqeritetin, miqësinë, të vërtetën dhe është një ndihmë e vlefshme në magjitë mbrojtëse.
Qiriu i argjendtë
Argjendi është ngjyra e Hënës e cila mishëron të gjitha hyjnitë femërore dhe hënore. Natyrisht ajo është e lidhur me feminitetin, intuitën, aftësitë psikike, magjinë dhe meditim. Përdorimi i këtyre qirinjve në formulat magjike është i lidhur ngushtë me vëzhgimin e fazave të hënës.
Qiriu i zi
E zeza është një ngjyrë mbrojtëse dhe parakolpëse e lidhur me vdekjen, inicimin dhe planetin Saturn. Ky lloj qiriu përdoret në formulat magjike për të sprapsur çdo lloj magjie dhe sulmi magjik. Kjo është për shkak se ata absorbojnë negativitet dhe në të njëjtën kohë, kanë një veprim pastrimi. Për këtë arsye ata janë shumë të përshtatshëm për ritualet e ekzorcizmit.
Qiriu kaf
Kafe është ngjyra e Tokës kështu që vibrimet e saj kryesisht kanë të bëjnë me sferën materiale. Një qiri i këtij lloji mund të përdoret në formulat magjike të dizajnuara për të favorizuar punën, përvetësimin e parave dhe për të përqendruar vendosmërinë për qëllimet materiale që duhet të arrihen me çdo kusht. Kjo ngjyrë gjithashtu mund të përdoret për të sprapsur dikë pa e eliminuar plotësisht nga jeta.
Qiriu i kuq i errët
Ngjyra e Kuqe e Errët lëshon dridhje të ngjashme me ato të ngjyrës së Kuqe, por pak më “të lehta”. Përveç dashurisë së pasionuar, forcës, ambicies etj., gjithashtu mund të provokojë zemërim, hakmarrje, zili, lakmi, xhelozi, brutalitet, etj. Në praktikë, ajo ndez pasionet në një mënyrë që nganjëherë ekzagjerohet. Në formulat magjike është një simbol i hyjnisë mashkullore ose i perëndeshës në formën më shkatërruese dhe kolerike.
Qiriu i kuq
Ngjyra e Kuqe lëshon vibrime shumë të fuqishme dhe efektive në analogji me energjitë vitale. Është ngjyra e dashurisë së pasionuar, e forcës, e ambicies, e fuqisë, e shëndetit, e guximit, e fuqisë seksuale. Ajo ndez pasione dhe mbron nga sëmundjet, sulmet psikike, armiqtë dhe negativiteti në përgjithësi. Në formulat magjike është një simbol i hyjnisë mashkullore.
Qiriu rozë
Ngjyra rozë është një nga hijet më frymërore. Është e shenjtë për perëndeshën Venus dhe si e tillë, nxit dashurinë, altruizmin dhe bujarinë. Këta qirinj përdoren kur dëshiron të fitosh Dashurinë e Vërtetë, romancën dhe plotësinë psikofizike (dhe për këtë arsye martesën) midis një burri dhe një gruaje. Ngjyra gjithashtu nxit shërimin frymor dhe sjell gëzim, stabilitet emocional, paqe dhe qetësi.
Qiriu portokalli
Portokallia është një ngjyrë e fuqisë së madhe që simbolizon forcën e jetës së njeriut dhe të natyrës. Ajo përfaqëson entuziazmin, tërheqjen, miqësinë, suksesin në biznes, ambicien për biznes dhe dashurinë e mençur dhe të shkëlqyeshme të zemrës. Ajo ngjall vlerat si: vetëbesimi, forca dhe inkurajimi. Është ngjyra e Diellit.
Qiriu i artë
Ari është ngjyra e Diellit i cili mishëron të gjitha hyjnitë mashkullore. Ai është i lidhur edhe me pasuri, nderime dhe fitore. Ideale për formulat magjike për të tërhequr prosperitetin, paratë, suksesin, bukurinë personale dhe për të rigjallëruar aktivitetet.
Qiriu i verdhë
E verdha stimulon aktivitetin intelektual, studimin, kreativitetin, pavarësinë, imagjinatën, besimin, hijeshinë personale, punën dhe aftësinë komerciale. Ajo gjithashtu kontribuon në marrjen e një gjendje të mirë shëndetësore. Është tonaliteti i Merkurit, i dërguari i zotave. Kjo ngjyrë mund të përdoret për të nxitur mbrojtjen, për të stimuluar imagjinatën, për të fituar para, sukses, magjepsje ose për të ringjallur aktivitetet e pandërprera të punës.
Qiriu jeshil
E gjelbra është ngjyra e Natyrës dhe Tokës, një kujtim i harmonisë, dashurisë, frytshmërisë, bollëkut dhe prosperitetit. Prandaj kjo ngjyrë mund të përdoret për të thirrur fitoren, produktivitetin e punës, për të rritur pjellorinë e një vendi ose për të rritur dëshirën për çdo aktivitet. Në Irlandë besohet se kjo ngjyrë sjell fat të mirë. Përveç kësaj, e gjelbra është e shenjtë për Venusin, perëndeshën e dashurisë, kështu që ky lloj qiriu përdoret shpesh në ritualet që lidhen me lidhjet e dashurisë dhe miqësisë.
Qiriu blu
Bluja është ngjyra e Jupiterit apo Zeusit, prandaj favorizon komunikimin, shërimin dhe paqen. Energjia e saj stimulon aktivitetin e shpirtit, kreativitetit, frymëzimit, qetësisë dhe durimit. Qirinjtë blu përdoren në rituale për të shmangur çdo formë të keqe, për të kërkuar pasuri, për të marrë mbrojtje nga njerëzit me ndikim dhe për të rifituar shëndetin dhe mirëqenien.
Qiriu lejla
Lejlaja është ngjyra e syrit të tretë, prandaj shpesh lidhet me spiritualitetin. Është tonaliteti i sovranëve, ekzorcistëve, tregtarëve dhe magjistarëve të vërtetë. Ajo mishëron ambicie, fuqi dhe vetëbesim, por edhe aftësi psikike dhe njohuri okulte. Është e shkëlqyeshme për meditim të thellë, për predikimin, për të çliruar mendjen nga çdo barrë dhe për të marrë një vizion të qartë të brendshëm. Këta qirinj mund të përdoren edhe kur doni të neutralizoni një veprim magjik negativ kundër vetes.
Burimi / http://luxheart.altervista.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
