Na është thënë gjithmonë se të pish sa më shumë ujë është një gjë e mirë për organizmin, por duket se teprimi me ujin mund të sjellë probleme serioze, deri edhe vdekjen. Vrapuesja e maratonës Johanna Pakenham hyri në gjendje kome pasi pinte pothuajse pesë litra ujë.
Ajo kishte hiponatremi, një gjendje e shkaktuar nga pirja e shumtë e ujit, duke holluar të gjitha kripërat dhe mineralet në trup. Ajo tregoi për BBC historinë e saj, ndërsa tha se dëshiron që njerëzit të kuptojnë rrezikun e pirjes së tepërt. Por, nga ana tjetër, nutricionistët thonë se shumica e njerëzve nuk po pinë aq ujë sa duhet.
Por kush është sasia e duhur e ujit që duhet të pimë? Sipas tyre, një grua duhet të pijë 1.5-1.7 litra ujë në ditë, ndërsa një mashkull duhet të pijë 2 litra ujë në ditë.
Burimi / Panorama.com.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
