Shumica prej nesh besojmë se puna e lodhshme dhe orët e gjata në punë do të rrisin performancën tonë dhe sa më shumë të punojmë më mirë do të jetë.
Megjithatë, në një studim të City, Universitet i Londrës , përfundimi ishte i qartë– qëndrimi me orë të tëra dhe puna e vështirë nuk do të sjellë gjithmonë shpërblime. Njerëzit kanë nevojë për pushim fizik dhe mendor, për t’u rikuperuar në mes të detyrave, përndryshe ata mund të bëhen të stresuar dhe të lodhur. Dhe kjo ka implikime serioze për produktivitetin.
Merrni përgjegjësi për punën tuaj.
Faktorët që studiuesit shqyrtuan përfshinë pasigurinë e detyrave, njohjen, kënaqësinë, punën në ekip, lirinë e punonjësve dhe një listë të gjatë gjërave të tjera. Autorët theksojnë se mund të ketë edhe faktorë të tjerë kontribues: punonjësit me performancë të lartë kanë më shumë lehtësi nga drejtuesit e tyre, ndërsa ata që përpiqen shumë janë nën presion më të madh për të rritur performancën e tyre edhe pse shanset për progres janë më të ulëta. Një nga faktorët më të rëndësishëm të identifikuar ishte liria e punonjësve, fleksibiliteti dhe autonomia për të zgjedhur kur një detyrë do të përfundonte.
Cilësi jo sasi.
Afatet e paracaktuara dhe oraret e ngarkuara janë pozitive vetëm kur puna është në momente vërtet të rëndësishme. Por, mund të shtojnë stres joproduktiv – sidomos kur është nevoja për të përfunduar një punë brenda një afati të caktuar, me shumë mundësi cilësia e punës nuk do të jetë aq e lartë. Kjo mund të çojë në përfundimin e një pune jo të mirë si dhe nivele më të mëdha të ankthit dhe pakënaqësisë. Të jesh në gjendje të përfundosh një punë në një standard më të lartë, edhe nëse kjo do të thotë të punosh jashtë orarit, është më pak e dëmshme. Rritja e përgjithshme e presionit mbi punonjësit, veçanërisht kur ka pasur një zhvendosje të përgjegjësisë dhe autonomisë, gjithashtu mund të çojë në shqetësime shëndetësore.
“Punonjësit me më shumë liri veprimi tregojnë nivele më të ulëta të stresit dhe rritje të kënaqësisë dhe mirëqenies në punë, ata tentojnë të jenë më të përfshirë dhe të angazhuar“, thuhej në raport.
Burimi / scan-tv.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
