Është shumë e rëndësishme të kemi vetëbesim të lartë, që na lejon të përballojmë situata të vështira. Në fakt, njerëzit që janë të sigurt në aftësitë e tyre zakonisht reagojnë më mirë ndaj vështirësive që duhet të kapërcejnë. Sot do të flasim për karakteristikat kryesore të një personi me vetëbesim të lartë, i cili për këtë arsye beson në talentet dhe aftësitë e tij.
Në përgjithësi ideja është pothuajse gjithmonë e gabuar, se ata janë njerëz të zymtë dhe mendjemëdhenj. Kjo është një ide qartësisht e gabuar, e bazuar në paragjykime të këqija dhe të rreme.
Një person me vetëbesim të lartë është krenar për aftësitë e tij dhe nganjëherë i pëlqen që të tjerët ta vënë re atë. Ai gjithmonë e di se mund të llogarisë talentet e tij për t’u përballur me vështirësitë e ndryshme të jetës. Megjithatë, ka edhe nga ata që nuk e kuptojnë se po japin përshtypjen e mburrjes për virtytet e tyre.
Por cilat janë karakteristikat e këtij personi?
- Është vetëbesues
Një nga aspektet kryesore të këtyre njerëzve është siguria me të cilën përballen në një situatë potencialisht të komplikuar në jetën e tyre, që paraqet një sfidë personale. Ata janë në gjendje të shkoj përpara, të përballen më fatkeqësitë falë besimit të tyre personal, i cili është padyshim një aspekt shumë pozitiv, në të gjitha aspektet.
- Është efikas
Një person me shumë vetëbesim është gjithmonë konkurrues, duke bërë përpjekje mbi mesataren për të përfunduar një detyrë. Kjo përkthehet në faktin se efikasiteti është gjithashtu një aspekt shumë i rëndësishëm i natyrës së tij.
- Nuk ka frikë nga kontaktet sociale
Shumica dërrmuese e njerëzve me vetëbesim të madh nuk kanë frikë nga marrëdhëniet personale, por ata gëzojnë kur mendojnë se mund ta gjejnë veten në situata ku ata mund të ndërveprojnë me njerëzit e tjerë. Ky aspekt është veçanërisht pozitiv nëse marrim parasysh se marrëdhëniet shoqërore janë një pjesë e rëndësishme e cilësisë së jetës tonë në afat të mesëm dhe të gjatë.
- Është një udhëheqës
Vetëbesimi i madh rrit kapacitetin e udhëheqjes së njerëzve. Sa më i madh të jetë vetëvlerësimi, aq më i madh lidershipi, duke pasur parasysh se personi i cili ka vetëbesim gjithashtu projekton siguri tek të tjerët. Sigurisht që ky potencial duhet të kanalizohet si duhet për të pasur sukses, edhe pse personi që e posedon atë në përgjithësi është në gjendje të udhëheqë grupe të mëdha pa shumë probleme, përveç rasteve kur kanë deficite sociale të rëndësishme në aspekte të tjera të personalitetit të tyre.
- Njeh fuqitë dhe dobësitë
Një vetëvlerësim i madh na bën të admirojmë virtytet tona, por na bën të aftë të njohim të gjitha ato aspekte që mund të përmirësojnë personalitetin tonë. Dhe nëse kemi aftësi të mjaftueshme për të realizuar realitetin, atëherë nëse është e nevojshme mund të bëjmë diçka për ta përmirësuar.
- Është i përfshirë aktivisht në aktivitete të ndryshme
Kur njëri nga këta njerëz vendos të marrë pjesë në një aktivitet, e bën seriozisht, e bën këtë sepse dëshiron të investojë të gjitha përpjekjet e tij më të mira në të.
- Është i pavarur
Ai është gjithnjë në kërkim të ngushëllimit, kënaqësisë dhe përmbushjes së dëshirave të tij. E gjithë kjo e bën atë të vetë-mjaftueshëm.
- Është altruist
Një person me vetëbesim të lartë, pavarësisht nga arsyet, gjithmonë do të ketë tendencën për të ndihmuar të tjerët, duke ruajtur gjithmonë një koncept të vetes.
Burimi / www.giornodopogiorno.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
