Për shumë njerëz vera është sinonim i temperaturave të larta, lodhjes në punë, dëshirës për t’u zhdukur në det e pishina, për të shijuar një kokteil mbrëmjeve të zhurmshme, por mbi të gjitha për të shijuar detin e diellin dhe për të patur ngjyrën çokollatë që të gjithë e duan aq shumë. Nëse sapo keni nisur pushimet apo prisni t’i nisni së shpejti, lexoni këshillat e mëposhtme për një nxirje perfekte:
- Bëni scrub
Mënyra më e mirë për të patur një nxirje perfekte dhe uniforme që zgjat në kohë është duke eliminuar paraprakisht qelizat e vdekura nga lëkura. Për këtë arsye ju vjen në ndihmë scrubi: Në një enë shtoni vaj ulliri, sheqer kaf, sodë buke dhe lëng limoni. Pasi të përzieni të gjithë përbërësit bashkë, lani trupin dhe masazhojeni me scrubin e mësipërm.
- Mos u depiloni para ekspozimit në diell
Nëse keni ndërmend të depiloheni dhe më pas të shkoni në plazh, dijeni që po bëni një gabim shumë të madh i cili mund të shkaktojë infeksion të lëkurës, kruajtje dhe irritim të saj. Duhet që lëkura e depiluar të pushojë për 24 orë dhe më pas të merrni rreze dielli.
- Mos u ekspozoni gjatë orëve të nxehta të ditës
‘’Sa më shumë të qëndroj në diell, aq më shumë do të nxihem’’. Kjo s’është aspak e vërtetë pasi jo vetëm që nuk do të keni rezultatin e dëshiruar që në këtë rast është nga e nxira në të kuqe, por rrisni mundësinë për të patur njolla kafe, akne dhe djegie të shkallës së parë e të dytë. Këshillohet që të shmangni ekspozimin në diell nga ora 12.00-16.00.
- Hidratohuni gjatë gjithë ditës dhe ushqehuni shëndetshëm
Hidratimi i vazhdueshëm gjatë ditës ju ndihmon të ruani ekuilibrin e lagështisë së trupit dhe të merrni rreze në mënyrë të njëtrajtshme. Për të patur një nxirje perfekte duhet që të shtoni konsumin e ushqimeve që përmbajnë vitaminë E, C dhe A.
Burimi / Intv.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
