Goditja në tru shkaktohet nga ndërprerja e qarkullimit të gjakut në tru. Për fat të keq, kjo është arsyeja e katërt më e madhe e vdekjeve tek të rriturit. Kur ndodh goditja, qelizat e trurit në zonën e caktuar fillojnë të vdesin pasi mbeten pa oksigjen dhe lëndë ushqyese, për të cilat kanë nevojë për të funksionuar.
Për këta të sëmurë, mjekët rekomandojnë që të evitohet sa më shumë:
- Ekspozimi ndaj diellit, sidomos në orët më të nxehta të ditës
- Temperaturat e larta bëhen shkak për rritjen e presionit të gjakut
Faktorët kryesorë që ndikojnë në avancimin e kësaj sëmundjeje kaq të rrezikshme te grate janë:
- Pilulat kontraceptive
- Pirja e duhanit
- Mbipesha dhe Migrena
Shenjat kryesore që paralajmërojnë goditjen në tru janë:
- Vështirësi për të folur. Ai flet në mënyrë të pakuptueshme (belbëzon) ose nuk mund të shqiptojë dot asnjë fjalë, ose nuk i kuptohen fjalët
- Mpirja, pafuqia dhe marrja e duarve dhe këmbëve, veçanërisht nëse kjo ndodh në njërën anë të trupit.
- Tërheqja e muskujve të fytyrës të asaj ane që nuk lëviz dorën ose këmbën, pra fytyra bëhet asimetrike (shtermbërim të buzës)
- Urinon dhe defekon në mënyrë të pavullnetshme
- Të dridhura të pjesshme ose në të gjithë trupin
- Kokëdhimbja e menjëhershme, e pasuar me vjellje pa ndonjë arsye të qartë
- Marramendje, pasiguri dhe lëkundje gjatë ecjes, rënie të befasishme
Nëse ju vëreni në trupin tuaj një ose më shumë nga këto shenja, drejtohuni menjëherë tek mjeku.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
