Kafeja shoqërohet gjithmonë me një gotë uji jo shumë të ftohtë. Kjo traditë ka edhe një aspekt praktik: pas kafesë ju e ndjeni vërtetë të nevojshme që të pini ujë dhe theksimi i shijes së kafesë nuk është arsyeja e vetme.
Ekspres, amerikane, kapuçino, me qumësht – ka shumë pije me bazë kafenë. Por nga pikëpamja e veprimit në sistemin nervor ka vetëm dy lloje: kafeja kokërr dhe kafeja e bluar. Kafeja kokërr ka një strukturë jo homogjene, lëkura e saj përmban kafeinë, alkaloid me efekt tonifikues që na bën të uritur kur konsumojmë kafe. Brenda kafesë ka një tjetër alkaloid – teobromine.
Procesi i anasjelltë
Kur konsumojmë kafe, këto dy alkaloide depërtojnë në të njëjtën kohë trupin tonë, por veprojnë ndryshe. Efekti i parë është kafeina me efekt tonik, por pas rreth 25 minutash fillon efekti teobromin. Kafeina shkakton ngushtimin e të gjitha enëve të gjakut, përveç atyre të veshkave, ku ka efekt të kundërt. Prandaj, presioni arterial rritet dhe ndodh një efekt diuretik i lehtë për shkak të qarkullimit të përshpejtuar në veshka.
Por pas pothuajse gjysmë ore ka një gjendje të çuditshme të përgjumjes dhe disa njerëz ndiejnë një shqetësim të veçantë në nivelin e veshkave. Kjo është për shkak të veprimit të teobrominës: presioni zvogëlohet në trup, por rritet në veshka. Për të shmangur këtë shqetësim të qarkullimit të gjakut në veshka, do të ishte e këshillueshme që të pini ujë pas çdo gllënjke kafe.
Efekti i kilometrit 30
Në rastin e kafesë së bluar, proceset janë edhe më interesante. Meqë kjo kafe prodhohet vetëm nga brendësia e kafesë, ku përmbajtja e kafeinës nuk kalon 10%, teobromina ka një efekt të kundërt.
Më saktësisht, faza e tonizimit manifestohet pak ose aspak, ndërsa përgjumja është më e theksuar. Kjo është arsyeja nëse një nga miqtë tuaj thotë se ka një reagim të çuditshëm ndaj kafesë, ai ndihet i përgjumur, atëherë është definitivisht kafe e tretshme dhe ju mund t’i jepni atij këshilla për ndryshimin e kafesë.
Shoferët e kamionëve, të cilët shpesh marrin kafe të tretshme në stacionet e shërbimit kanë shpikur një term interesant që e përshkruan këtë: “Efekti i kilometrit të 30-të”. 20-25 minuta pas konsumit të kafesë, rreth 30 km larg, teobromina fillon të japë efektin e përgjumjes për rreth një orë.
Rrjedhimisht, pas konsumimit të kafesë, duhet të konsumohet uji për të parandaluar këtë ndjenjë të përgjumjes. Por në qoftë se ndjeni nevojën për gjallërim, do ishte mirë të konsumoni çaj të zi, pasi ai përmban pothuajse të njëjtën sasi kafeine, por nuk ka teobrominë.
Arsye të tjera
Për të dashuruarit e kafesë arsye të tjera për të konsumuar ujë do të ishin si më poshtë:
– Për të ruajtur shijen. Nëse pimë kafe, shija e saj humbet pas çdo gllënjke. Uji pastron receptorët e shijes dhe kafeja do të jetë njësoj e shijshme.
– Presioni mbetet në nivel normal. Nëse jeni i shqetësuar për hipertensionin e shkaktuar nga konsumimi i kafesë, provoni të pini ujë sepse e zbeh efektin e kafeinës dhe e mban presionin në një nivel normal.
– Dhëmbët e bardhë. Kafeja përmban një pigment që ngjyros dhëmbët, por nëse pini pak ujë pas çdo gllënjkë kafe, ky pigment nuk do të absorbohet dhe dhëmbët do të mbajnë ngjyrën e tyre natyrale.
Burimi / http://fasingur.eu
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
