8 në 10 britanikë mendojnë se edukimi seksual duhet të jetë i detyrueshëm në shkolla. Konstatimi vjen pas një studimi të kryer nga Plan International UK. Nga sondazhi, ku morën pjesë 2007 të rritur, rezultoi se, 85% e të anketuarve mendojnë se, edukimi seksual duhet të jetë i detyrueshëm në shkollat shtetërore, 83% besojnë se duhet të jetë i detyrueshëm në shkolla private dhe 82% janë pro edukimit seksual në shkollat fetare. Vetëm 27% e të anketuarve e shihnin të paarsyeshme edukimin seksual në shkolla.
“Vajzat shprehen se vuajnë nga ngacmimet në shkollë. Ato nuk ndihen të sigurta në internet dhe janë të frikësuara në rrugë. Ato thonë pa mëdyshje se, edukimi seksual në shkollë është një nga mënyrat më të rëndësishme për të ndihmuar për ndryshimin e kësaj situate”, thonë studiuesit.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
