Kolegji Universitar i Biznesit shënon një bum aplikimesh të maturantëve në programet e tij të studimit Bachelor dhe Profesionale 2-vjeçare!
Për vitin 2019-2020 shënohet një rritje e numrit të aplikimeve prej rreth 20 % më shumë se një vit më parë.
Kolegji Universitar i Biznesit është Institucion i Arsimit të Lartë Jopublik, i cili i shënon fillesat e veprimtarisë së tij në sistemin e arsimit të lartë shqiptar në vitin akademik 2011- 2012.
Misioni dhe Vizioni
KUB ka për mision të formojë dhe përgatisë specialistë të lartë në përputhje me prioritetet e zhvillimit të vendit; të krijojë, zhvillojë, përcjellë dhe të mbrojë dijet përmes mësimdhënies, kërkimit shkencor, veprimtarive inovative e profesionale për fushën e Ekonomisë, Drejtësisë dhe Studimeve të Larta Profesionale;
Vizioni i KUB është: Të konsolidojë profilin e tij në tregun e Arsimit të Lartë; të fokusohet në shndërrimin e këtij institucioni në një IAL të nivelit të lartë duke synuar mënyrën e të menduarit globalisht dhe kultivuar vetëdijen kozmopolite si dhe duke nxitur një kulturë të re dhe inovative të të nxënit.
Akreditimi Institucional
Pas Licencimit nga Ministria e Arsimit ne vitin 2011, Akreditimi institucional i IAL “Kolegji Universitar i Biznesit” është bërë me Urdhër të Ministrit Arsimit dhe Shkencës Nr. 557 datë 16.11.2012, “Për akreditimin institucional të Kolegjit Universitar të Biznesit”.
Gjithashtu gjatë vitit 2017 institucioni kreu akreditimin periodik nga agjencia shqiptare ASCAL dhe agjencia britanike QAA, ku në bazë të vendimit nr. 100, datë 10.11.2017 me rezultate të shkëlqyera në të dy Fakultetet: Ekonomi dhe Drejtësi.
10 vite arsimim cilësor dhe suksese të merituara!
Arsimi luan një rol të rëndësishëm për të hartuar të ardhmen tuaj si një person i suksesshëm në jetë dhe si një qytetar i dobishëm në shoqëri. Të gjithë kemi bindjen se askush nuk mund ta lërë pas dore rëndësinë e tij pasi, arsimimi lehtëson përballjen me sfidat e jetës për këdo. Sa më shumë zgjerojmë bagazhin e dijes, aq më shumë rriten mundësitë që ju të përshpejtoni rritjen tuaj profesionale dhe personale në jetë. Gjithnjë e më shumë arsimi cilësor po bëhet shumë i rëndësishëm për ndërtimin e karrierës. Një person që fiton arsim të lartë të mirë, do të ketë më shumë aftësi për të zgjidhur detyra të shumta, si dhe të përmbushë me pritshmëri të lartë kërkesat e tregut të punës. Një person i tillë, i mirëedukuar, është gjithashtu i vetëdijshëm se si të vendosë ekuilibër midis jetës personale dhe profesionale.
KUB në përputhje me misionin dhe vizionin e tij strategjik lidhur me pikëtakimin e ofertës akademike me kërkesat e tregut të punës, jo vetëm u mundëson studentëve kryerjen e praktikave profesionale, por pas diplomimit u mundëson hedhjen e hapave të para drejt punësimit dhe zhvillimit të karrierës së tyre profesionale.
Gjatë periudhës 2012-2019 mbi 90% e studentëve të diplomuar punojnë në profesionin në të cilin janë diplomuar; Për çdo vit akademik, KUB shënon një fluks të lartë aplikimesh në programet e studimeve duke patur një trend rritës me rreth 20 % më shumë se vitin e kaluar dhe disa here krahësuar me vitet e mëparshme; Staf akademik i kualifikuar, me tituj dhe grada shkencore, profesorë që edukojnë brezat për vite me rradhë; Vlerësim i studentëve të ekselencës duke i ofruar mundësinë e angazhimit të tyre në jetën akademike në pozicionin e asistent lektorit; Krijimi i faciliteteve duke i ofruar studentëve mundësinë e zhvillimit të mësimit në mjedise bashkëkohore; pranë kampusit të KUB dhe laboratorëve të brendësi të tij. Mundësi të suksesshme bashkëpunimi me partnerë të jashtëm.
Fakultetet dhe Programet e Studimit
Fakulteti i Ekonomisë
Fakulteti i Ekonomisë ofron studime në ciklin Bachelor (3 vite akademike me 180 kredite/ECTS) në 5 programe:
Financë Kontabilitet
Administrim Biznesi
Banka dhe Institucione Financiare
Informatikë Biznesi
Teknologji Informacioni
Master Profesional (1 & 2 vite akademike me 60 & 120 kredite/ECTS):
Kontabilitet Financë
Menaxhim Biznesi
Komunikim Multikanal
Master i Shkencave (2 vite akademike me 120 kredite/ECTS):
Kontabilitet – Financë
Kontabilitet – Auditim
Menaxhim Biznesi
Menaxhim Marketing
Administrim Publik
Fakulteti i Drejtësisë
Fakulteti i Drejtësisë ofron studime në ciklin Bachelor/Integruar (3 vite akademike me 180 kredite/ECTS ) në 2 programe:
Drejtësi
E Drejtë Biznesi
Fakulteti i Drejtësisë ofron studime në ciklin Master i Shkencave (2 vite akademike me 120 kredite/ECTS) në 3 programe:
E Drejtë Civile & Tregtare
E Drejtë Penale
Shërbimet Inteligjente dhe Policimi në Demokraci
Kolegji i Studimeve të Larta Profesionale
Kolegji i Studimeve të Larta Profesionale ofron studime në 2 programe me nga 3 profile studimi:
Programi i Studimeve të Larta “Administrative” me 3 profile:
Asistent i Lartë Administrativ
Asistent i Lartë Kontabël
Asistent i Lartë Ligjor
Programi i Studimeve të Larta “Teknike” me 3 profile:
Teknik i Lartë Sistemesh Kompjuterike
Teknik i Lartë Sistemesh Elektrike
Teknik i Lartë Sistemesh Motorike
Botuar në revistën “Psikologjia”, numri 147
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
