Është e lehtë të përfshihesh në numërimin e kalorive, yndyrnave, proteinave dhe karbohidrateve kur po përpiqesh të hash mirë dhe shëndetshëm. Por një lëndë ushqyese që harrohet shumë shpesh është fibra.
Studimet kanë treguar me kohë se ngrënia e fibrës bën mirë për shëndetin. Fibra është lidhur me luftimin e sëmundjeve, reduktimin e riskut për një sërë problemesh shëndetësore, duke përfshirë diabetin e tipit 2, alergjitë ndaj ushqimit, artritin e gjunjëve si dhe me një shëndet më të mirë tretës.
Por si mund ta shtojmë fibrën në dietën tonë ushqimore?
Hani më shumë fruta dhe perime
Fibra gjendet në fruta dhe perime. Asnjëherë nuk është gabim shtimi i tyre në dietën ushqimore ditore. Madje, sipas studimeve, edhe ngrënia e një mollë para çdo vakti ushqimor ka efekte pozitive të konsiderueshme në shëndet.
Hani ushqime të sezonit
Kur të bëni pazarin për fruta dhe perime, kontrolloni cilat prej tyre janë të stinës. Jo vetëm që këto ushqime janë shumë të mira për shëndetin, por shpesh kanë dhe shije më të mirë dhe janë më të lira.
Ushqimet e përpunuara shpesh kanë më pak fibër
Ushqimet e përpunuara që nuk përmbajnë drithëra të plotë kanë gjithashtu dhe përmbajtje më të ulët fibre. Këtu përfshihen buka e bardhë dhe makaronat e zakonshme. Edhe lëngjet e përpunuara kanë më pak fibër, sepse gjatë përpunimit largohet fibra e tretshme nga produkti përfundimtar. Kështu humbasin përfitimet kryesore të fibrës, sidomos rregullimi i tretjes dhe moslejimi i ngritjes së tensionit të gjakut.
Trego kujdes në restorante/ fast – food
Restorantet e sidomos fast – fond-et, shpesh nuk përdorin shumë fruta dhe perime, pasi janë më të shtrenjta. Mundohuni të zgjidhni një ushqim të pasur me fruta, perime dhe bishtajore, në mënyrë që të merrni masën e duhur ditore të fibrave.
Mos harro fasulet, bizelet dhe thjerrëzat
Ne mund të kujtohemi shpesh të hamë fruta dhe perime por harrojmë bishtajoret që janë një burim i shkëlqyer fibrash.
Mos e teproni
Si çdo gjë tjetër edhe fibra në sasi të mëdha, të tepruara nuk është shumë e mirë për shëndetin. Mundohuni ta kontrolloni se sa fibër merrni me ushqimin. Sipas specialistëve, sasia e këshillueshme është 25 gram për femrat dhe 38 gram për meshkujt.
Burimi / shendeti.com.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
