Rëndësia e kaliumit për të parandaluar ose zvogëluar rrezikun e ngërçeve të muskujve njihet mjaft mirë. Sidoqoftë, një studim i ri i kryer nga Universiteti i Alabama-s (Shtetet e Bashkuara) ka treguar që konsumimi i ushqimeve të pasura me kalium, siç janë banania dhe avokado, mund të ndihmojnë gjithashtu në parandalimin e sëmundjeve kardiovaskulare.
Studiuesit kanë treguar se një dietë me kalium të ulët rrit rrezikun e ngurtësisë arteriale për shkak të akumulimit të kalciumit. Një fenomen përgjegjës, për akumulimin e pllakave në enët e gjakut (ateroskleroza).
Arteriet mund të tkurren dhe forcohen, duke shkaktuar sëmundje vdekjeprurëse siç janë sulmet në zemër ose goditjet në tru.
Përveç që është shumë e pasur me kalium (500 mg për 100 gramë produkt), avokado përmban edhe acide yndyrore të shëndetshme, me veti anti-inflamatore dhe vitaminë E, me një veprim të fortë antioksidues. Banania, nga ana tjetër, përmban rreth 400 mg kalium për 100 gram. Ajo gjithashtu përmban vitamina të tilla si A, B, E dhe minerale të tilla si magnez, hekur, selen dhe zink.
Burimi / https://www.rimedio-naturale.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
