Profesionistët e Shëndetit thonë se impakti i lojës Fortnite tek fëmijët ka natyrë varësie të ngjashme me drogat e forta.
Tashmë kjo lojë luhet nga më shumë se 200 milion përdorues dhe fëmijët që luajnë flenë më pak, janë bërë më të dhunshëm dhe efektet e saj ndihen dhe në shkollë Fëmijët gjithashtu po braktisin aktivitetin social si dhe lojërat sportive.
Michael Rich, doktor në spitalin e Bostonit tregoi: “Ne kemi një rast kur një fëmijë shkatërroi makinën e familjes së tij sepse mendoi se prindërit e tij i kishin fshehur playstation. Djali mori një çekiç dhe dëmtoi makinën”.
Sjellja e tij është vetëm një prej fëmijëve që luajnë Fortnite dhe që janë dërguar në terapi për të kërkuar ndërprerjen e lojës. Në disa raste adoleshentët humbasin peshë sepse refuzojnë të ndërpresin lojën për të ngrënë dhe në fillim doktorët menduan se ata kishin një problem fizik.
Burimi / OraNews
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
