Ministria Italiane e Shëndetësisë ka publikuar në faqen zyrtare masat e marra lidhur me tatuazhet. Nëntë pigmente me ngjyra do të hiqen nga tregu sepse përmbajnë substanca kancerogjene ose që provokojnë alergji.
Vendimi është marrë nga Ministria e Shëndetësisë dhe ngjyrat në fjalë prodhohen kryesisht në SHBA dhe quhen Dubai Gold, Sailor Jerry Red, Black Mamba, Green Beret, Hot Pink, Banana Cream, Lining Red light dhe Blue Iris.
Substancat e gjetura në pigmente variojnë nga amina aromatike deri te hidrokarburet aromatike. Njoftimet u botuan midis 21 dhe 26 marsit. Bojërat janë tërhequr sepse nuk përputhen me direktivën europiane të vitit 2008 që rregullon sektorin.
Sipas një studimi nga Instituti Kombëtar Italian i Shëndetësisë në Itali, pothuajse shtatë milionë njerëz kanë të paktën një tatuazh ( 13% e popullsisë ).
76.1% e tatuazheve janë bërë në një qendër të specializuar për tatuazhe, 9.1% në qendra estetike, por 13.4% në qendra të paautorizuara. Sipas studimit, një pjesë e të anketuarve kanë pranuar se kanë pasur efekte anësore.
Burimi / http://www.scan-tv.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.