E vëmendshme, e dashur, gjithmonë e shqetësuar dhe shpesh e rrëmbyeshme. Kjo është nëna juaj. Ndoshta ajo përsërit të njëjtat gjëra disa herë në ditë, por ajo me siguri dëshiron të dijë çdo detaj të ditëve tuaja. Dhe të gjitha pyetjet i bën për të kuptuar arsyen e lëkundjeve tuaja të humorit.
Gjithmonë e pranishme, aq sa e vlerësoni si intriguese, apo jo? Megjithatë, kur nëna juaj të mos jetë më pranë jush, do të zbuloni se ajo ishte shoqja juaj më e mirë. Nëna është fytyra e parë që ne e njohim kur vijmë në jetë. Thithim aromën e saj madhështore, atë aromë që për 9 muaj me radhë na përgatiti për jetën.
Ajo është personi më i rëndësishëm në jetën tonë. Ajo arrin të na bëjë të perceptojmë, gëzimin e të qenit i dashur. Me kalimin e viteve, konfliktet do të vijnë në mënyrë të pashmangshme. Ju duhet të eksperimentoni, të shkëputni veten nga foleja, të provoni krahët që ndjeni se keni. Nëna juaj do të dojë t’iu mbajë pak më gjatë. Ajo ju beson, por e njeh botën më mirë se ju.
Dhe pastaj dashuritë e para, të cilat pothuajse me siguri nuk do të të pëlqejnë. Ajo me siguri do të përpiqet të bëjë që ta kuptosh, do të përpiqet të imponohet në disa raste. Pothuajse do të duket se e urreni atë në atë rast, por është nëna juaj dhe zemra juaj e di atë. Ajo e di që gjithçka ka dashuri të pafund në bazën e saj, e vetmja që mund ta quani autentike. Ajo e di se ato duar do t’ju ndihmojnë të shëroheni nga gabimet tuaja. Nëna juaj është ajo që ju pret prapa derës së mbyllur të dhomës tuaj. Është e vështirë të kuptosh rolin e një nëne kur është e re. Kërkoni të gjeni një arsye ndalimeve dhe predikimeve që shpesh ju duken të pafundme.
Duke u rritur do e gjeni atë arsye, ndoshta kur edhe vetë ju të jeni bërë nënë. Vetëm në atë pikë gjithçka do t’ju duket e qartë. Dhe, kur nëna juaj të mos jetë më pranë jush, do të kuptoni se ajo nuk ishte vetëm nënë, apo edukatore, por edhe mikja juaj më e mirë. Ajo që ka brohoritur gjithmonë për ju, e cila besoi në aftësitë tuaja edhe kur ju vetë nuk besonit.
Kështu që nëse jeni me fat dhe e keni nënën tuaj pranë, mos prisni për atë moment. Hapini sytë menjëherë. Dëgjoni zemrën tuaj. Përqafojeni nënën tuaj dhe tregojini asaj sa e doni, sepse ajo është shoqja juaj dhe ti je shoqja e saj.
Burimi / https://www.giornodopogiorno.org/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
