Të gjithë biem dakord për vlerat mbresëlënëse të ullirit, por a e dini që pema e këtij fruti është shumë bujare edhe falë gjetheve fantastike. Gjethet e ullirit janë përdorur për herë të parë në mjekësinë popullore në Egjiptin e lashtë. Që prej asaj kohe, ka marrë famë si një mjet shumë i fuqishëm kundër sëmundjeve. Një sërë studimesh shkencore kanë nxjerrë në pah se gjethja e ullirit rrit energjinë në organizëm, mban nën kontroll tensionin e gjakut, mbron sistemin kardiovaskular dhe atë imunitar.
Gjethet e ullirit janë përdorur që në lashtësi për trajtimin e hipertensionit apo tensionit të lartë të gjakut në mënyrë natyrale. Më poshtë jepet një kurë e vjetër popullore se si të përgatisni gjethet e ullirit për të ulur tensionin në mënyrë natyrale.
Kura për hipertensionin
Në përgatitjen e kësaj kure ju duhen 60-70 gjethe ulliri (të thata ose të njoma), të cilat hidhen në një litër ujë dhe zihen sa të mbeten rreth 600 mililitra. Ena lihet e mbuluar 5-6 minuta pastaj kullohet lëngu. Pihet një filxhan 2 herë në ditë esëll dhe para gjumit për 15-25 ditë rresht.
Disa nga vlerat e verifikuara të përdorimit të gjetheve të ullirit krahas tensionit të gjakut:
Ul tensionin e gjakut
Një studim i vitit 2011 tregoi që ekstraktet e gjethes së ullirit kishin aftësinë të ulnin tensionin e gjakut. Pjesëmarrësit në studim konsumuan 500 miligramë ekstrakt gjethe ulliri, dy herë në ditë për tetë javë dhe ia dolën të ulnin tensionin pa pasur nevojën e medikamenteve.
Përmirëson shëndetin e zemrës
Gjethet e ullirit janë përdorur prej mijëra vitesh si tonik bimor për të garantuar shëndetin kardiovaskular. Ato ulin nivelin e kolesterolit dhe mbajnë tensionin e gjakut në nivel normal. Disa substanca që gjenden tek këto gjethe kanë ndikim në uljen e rrezikut nga sëmundjet koronare dhe disa tumoreve.
Diabeti
Ekstraktet e gjethes së ullirit arrijnë të ulin nivelin e sheqerit në gjak. Për më tepër, ky ekstrakt mban nën kontroll nivelin e glukozës në gjak dhe ngadalëson prodhimin e sheqerit që shkakton sëmundje inflamatore siç është diabeti.
Ul rrezikun e zhvillimit të qelizave të rrezikshme
Gjethet e ullirit luajnë një rol të rëndësishëm në trajtimin natyral të tumoreve. Ato përmbajnë antioksidantë dhe substanca të tjera që kanë aftësinë të parandalojnë riprodhimin dhe migrimin e qelizave të rrezikshme
Përmirëson funksionet e trurit
Studimet kanë treguar që disa nga përbërësit e gjetheve të ullirit, ulin shanset e simptomave të çrregullimeve nervore që kanë lidhje me moshën si Demencia dhe Alzheimer. Studimet sugjerojnë që radikalet e lira luajnë një rol në zhvillimin e këtyre sëmundjeve. Gjethja e ullirit është e pasur me antioksidantë që luftojnë këto radikale dhe si rrjedhojë mbrojnë trurin nga humbja e kujtesës.
Burimi / AgroWeb
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
