Është shumë e rëndësishme të kujdesemi në mënyrë të vazhdueshme për shëndetin tonë mendor, prej së cilit varet gjithçka tjetër.
Sipas raportimeve të Aleancës për Çrregullimet Depresive (Depression and Bipolar Support Alliance), depresioni ka prekur deri tani 14.7 milionë adoleshentë amerikanë, një shifër kjo që përkthehet në 6.7% adoleshentë në të gjithë botën. Kjo shifër rritet çdo vit me ritme të frikshme.
Është fakt i njohur që dietat ndikojnë në shëndetin tonë mendor. Nisur nga kjo, studiuesit në kërkimet e tyre janë përpjekur të gjejnë një lidhje sesi mund të ndikojnë ushqimet dhe produktet e shëndetshme në shëndetin tonë mendor, shkruan Shije. Studiuesit pohojnë me plot bindje se produkti më i fuqishëm që mund të ndihmoj në luftën kundër depresionit është shafrani i Indisë. Ky produkt, përveçse përdorimeve në gatim, ka edhe shumë përfitime shëndetësore.
Arritja në këtë përfundim është bazuar në rezultatet e mbi 10.000 studimeve të mëparashme lidhur me përdorimet e shafranit.
Hulumtimet tregojnë se shafrani i Indisë mund të ndikoj në shumë aspekte të shëndetit mendor. Përbërësit e tij ndihmojnë kimikatet e trurit për të krijuar balanca midis tyre. Shafran i Indisë është gjithashtu një agjent shumë i fuqishëm anti-inflamator. Kjo është shumë e rëndësishme për shëndetin mendor, duke qenë se inflamacioni është i lidhur me shumë çrregullime psikiatrike.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
