Shumë amvisa teksa qërojnë thelpinjtë e hudhrave hedhin në kosh lëkurat. Sot këshillohet të mos i hidhni më, por t’i ruani për t’i përdorur ato në përgatitjen e disa kurave dhe trajtimeve natyrale në shërimin e shumë problemeve shëndetësore. Lëkurat e hudhrës janë përdorur që në lashtësi për të mbajtur organizmin në formë, nxitur qarkullimin e gjakut dhe mbi të gjitha për të pastruar organizmin nga të gjitha toksinat.
Përfitimet për organizmin si dhe mënyrat si t’i përdorni ato.
Për largimin e toksinave nga trupi
Zieni në 250 ml ujë një lugë çaji të mbushur me lëkura hudhre. Më pas kulloni lëngun dhe lëreni të ftohet. Do t’ju ndihmojë të largoni toksinat nga trupi. Kjo kurë konsumohet nga një lugë gjelle tre herë në ditë për një muaj. Më pas bëni 10 ditë pushim dhe kurën mund ta ripërsërisni edhe për një muaj tjetër.
Për rënie në peshë
Zieni në një tenxhere të vogël 1 litër ujë. Pasi uji të nisë të vlojë largojeni nga zjarri. Hidhni në tenxheren ku keni ujin e zier të nxehtë tre duar me lëkura hudhrash. Kujdes lëkurat e hudhrave duhet t’i hidhni pasi uji ka zierë dhe jo gjatë momentit të zierjes. Përziejini mirë dhe lëreni të qëndrojë ashtu përgjatë gjithë natës. Të nesërmen kullojeni lëngun dhe pini dy ose tre gota në ditë për një muaj ose dy muaj në varësi të peshës trupore që keni.
Parandalimi i të ftohurës dhe gripit
Vendosni në një tenxhere të vogël katër pesë lugë gjelle me ujë. Sapo uji të nisë të nxehet shtoni aty një gotë të mbushur plot me lëkura hudhrash. Sapo masa të nisë të nxjerrë avull thithni avullin përmes hundëve. Ky trajtim duhet të përgatitet çdo ditë dhe do t’ju ndihmojë në forcimin e sistemit imunitar duke parandaluar virozat e ndryshme të stinës.
Burimi / AgroWeb.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
