Konsumi i lëngut të boronicës përmirëson ndjeshëm funksionin e trurit te të moshuarit. Për të provuar vetitë e këtij fruti antioksidant dhe antiinflamator, është bërë një studim nga Universiteti Exter në Britaninë e Madhe.
Për këtë janë marrë në studim 26 persona të shëndetshëm nga mosha 65-77 vjeç. 12 prej tyre kanë konsumuar 30 ml lëng boronice një herë në ditë, e barabartë me 230 ml lëng frutash të freskëta.
Përpara dhe pas periudhës së studimit 12-javor është kryer monitorimi i funksioneve të trurit dhe një sërë testesh për personat që u morën në shqyrtim. Në fund rezultoi se tek ata që konsumuan lëngun e boronicës është vënë re një rritje e konsiderueshme në aktivitetin e trurit , pikërisht në zonat që lidhen me furnizimin e mirë të gjakut në tru.
Funksioni konjitiv zakonisht ulet me kalimin e viteve, por hulumtimet e më- parshme kanë treguar se rreziku i demencës lidhet me konsumin e perimeve dhe frutave, në veçanti ato me pigment të kuq, vjollcë ose portokalli.
/Panorama/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
