Selinoja është një perime e gjithanshme, e varfër në kalori dhe e pasur me fibra, gjë që e bën atë një përbërës të përsosur për dietën. Sidoqoftë, pak e dinë që një nga mënyrat më të mira për të shijuar përfitimet e selinos është përmes lëngut të saj.
Lëngu i selinos përmban luteolinë dhe apigjeninë, dy antioksidantë të fuqishëm, si dhe coumarins, vitaminë C, kalcium dhe hekur: më poshtë rendisim përfitimet kryesore të lëngut të selinos.
Zemra. Selinoja përmban phthalide, një antioksidant që forcon muret arteriale dhe përshpejton riparimin, duke ulur presionin në zemër dhe rrezikun e goditjes në zemër.
Qarkullimi. Hekuri që gjendet në selino stimulon sistemin e qarkullimit të gjakut dhe rrit prodhimin e qelizave të kuqe të gjakut. Kjo përmirëson oksigjenimin dhe ardhjen e gjakut të pasur me lëndë ushqyese në indet dhe organet e trupit.
Kanceri. Luteolina dhe apigenina janë dy komponime antioksiduese të përmbajtura në selino që kanë veti antikancerogjene, sipas një studimi të kryer në Universitetin e Illinois (Shtetet e Bashkuara). Këto komponime ndihmojnë për të kundërvepruar dhe neutralizuar radikalet e lira, të cilat janë ndër shkaqet kryesore të përhapjes së kancerit.
Lëkura. E pasur me vitamina A, C dhe K, lëngu i selinos mund të parandalojë dhe trajtojë psoriasis, ekzemën dhe puçrrat.
Mbrojtëse. Vitamina C që gjendet tek lëngu i selinos stimulon sistemin imunitar të krijojë qeliza të bardha të gjakut. Apigenina dhe luteolina forcojnë aftësinë e trupit për të mbrojtur veten kundër baktereve.
Burimi / https://www.rimedio-naturale.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
