Librat që përshpejtojnë karrierën tuaj

Warren Buffet, investitor prodhues, ka pohuar se shpenzon rreth 80% të ditëve të tij duke lexuar. Emilie, një autore dhe krijuese e Bossed Up shprehet se: “ Të lexuarit rregullisht nuk më erdhi natyrshëm, sepse jam person hiperaktiv. Gjithmonë më ka pëlqyer të luaj jashtë. E urreja leximin, të qëndroja palëvizur dhe vetëm. Në moshën 25-vjeçare arrita të zbuloj vlerën e leximit. Që atëherë, librat janë bërë një përshpejtues i rregullt për karrierën, biznesin dhe jetën time. Ndërkohë, dua të ndaj me ju disa nga librat e mi të preferuar”.

Leximi të ndryshon jetën, rrit njohuritë dhe të përfshin në një vetë-zbulim të fuqishëm. Tani me audiobooks dhe podcast, materiali i shkruar është më i afërt se kurrë, madje edhe për njerëzit që luftojnë me aftësinë e të lexuarit.

YEAR OF YES nga Shonda Rhimes

Kur keni nevojë për guxim, besim dhe një goditje të shpejtë prapa krahëve, ky libër është një kujtesë për njerëzit, që të mund të luftojnë në karrierë, për t’u ngjitur drejt madhështisë së tyre.

MISTAKES I MADE AT WORK nga Jessica Bacal

Në këtë libër do të merrni mësime të ndryshme nga gra që kaluan pengesa për të krijuar karrierë me ndikim të lartë. Kjo është një mënyrë më e dobishme sesa thëniet klishe mbi kurajën dhe rezistencën. Këto histori japin detaje praktike e të rëndësishme prapa asaj se si gratë e vërteta u ngritën pasi e kishin keqmenaxhuar karrierën e tyre.

BETTER THAN BEFORE nga Gretchen Rubin

Në një kohë në jetën time, kur më duhej të shkëputesha nga zakonet e vjetra që nuk më shërbenin më, libri i Gretchen ishte burim me të vërtetë i dobishëm, i cili më ndihmoi të kuptoja se ndryshimi është i mundur.

FEMINIST FIGHT CLUB nga Jessica Bennett

Ky është libri që autorja shkroi menjëherë para se të shkonte si redaktore gjinore e parë në New York Times. Bennett jep këshilla argëtuese, të ashpra dhe praktike për t’u marrë me seksizmin e përditshëm, mikroagresionet dhe paragjykimet në vendin e punës.

OVERWHELMED: HOW TO WORK, LOVE, AND PLAY WHEN NO ONE HAS THE TIME

Brigid Schulte është drejtore e Better Life Lab në New America dhe ky libër heton problemin që ajo kërkon të zgjidhë përmes punës së saj në think tank: Kultura e punës e djegur e Amerikës. Ajo e sjell lexuesin përmes një kronike të hollësishme se si arritëm këtu, dhe si Amerika mund të gjejë rrugën e kthimit për të bërë të mundur ekuilibrin e arsyeshëm punë-jetë tek të gjithë njerëzit. Për të qenë plotësisht e sinqertë me ju, jam personi që braktis leximin e librave kur nuk marr asgjë prej tyre. Jeta është shumë e shkurtër për të lexuar libra që nuk i doni.

DROP THE BALL

Tiffany Dufu ka patur një jetë të jashtëzakonshme dhe ka ndërtuar një karrierë mahnitëse si drejtore e organizatave jofitimprurëse dhe autore e përqendruar në ndihmën ndaj grave dhe vajzave për të arritur potencialin e tyre të plotë. Në këtë memorandum dhe manifest, ajo ndan mënyrën e arritjes, duke zvogëluar listën e saj TO DO, për të bërë, dhe duke na mësuar një çelës thelbësor për “të pasurit të gjitha”- të mësosh ta lësh të ikë.

BIG MAGIC

Mund të jeni njohur me hit-in e parë të madh të Elizabeth Gilbert, “Ha Lutu Dashuro”, por Big Magic është një libër që nuk duhet humbur. Është si guxim krijues për këdo ka ngecur në paralizën e analizës. Është një lexim veçanërisht i mirë për dikë që kërkon një karrierë krijuese dhe gjetjen e vetes, të lodhur nga frymëzimi, plot frikë ose të ngecur në kokën e tyre.

LEAN IN

Ky libër padyshim mbretëroi një flakë feministe në Amerikë. Ajo që më pëlqen më shumë, është aftësia e Sheryl Sandberg për të sjellë një rast biznesi për barazinë gjinore në punë. Ajo sjell këshilla karriere strategjike për gratë që lundrojnë në një botë akoma me paragjykim gjinor të pavetëdijshëm.

MINDSET

Pas dekadash kërkimesh mbi këtë temë, profesore e Stanford Carol Dweck shkroi “Mindset” për të ndarë gjetjet e saj marramendëse, që ajo i quan “rritje mendimi”. Puna i ka shërbyer si bazë e trajnerëve të tjerë të panumërt dhe“guruve”, të cilët i ndihmojnë njerëzit të riaftësojnë qëllimet që mund të ndryshojnë plotësisht jetën tuaj.

SWITCH: HOW TO CHANGE WHEN CHANGE IS HARD

Dan dhe Chip Heath janë vëllezër, autorë shkencorë që kanë shkruar mjaft libra të shkëlqyer biznesi, por unë e shoh këtë më të zbatueshme për tranzitorët në karrierë. Ata rishikojnë studimin rreth ndryshimit të sjelljes në nivel individual, organizativ e madje edhe qeveritar. Mendimet e tyre të vlefshme. Përdorimi i tregimit narrativ e mban të angazhuar imagjinatën gjatë gjithë kohës.

PIVOT

Jenny Blake është një autore dhe podcaster-e e përzemërt e imja. Në “Pivot”, ajo shtron një sërë hapash për këdo që kërkon të tranzicionojë karrierën në një mundësi të madhe. Procesi i saj elokuent, i qartë, ripozicionon përpjekjen e pasigurt si një eksperiment me veten, kornizon dështimet si pika të të dhënave që ju ofrojnë njohuri të dobishme për t’ju ndihmuar në lëvizjen tuaj të radhës.

ESSENTIALISM

Mendoja se tashmë i dija një ose dy gjëra për të thënë “jo”, derisa Dan McKeown më ndihmoi të përqendrohesha në mënyra që nuk i kisha imagjinuar më parë. “Esencializmi” më kujtoi që nuk ka të tillë si prioritet, ka vetëm një artikull në të cilin mund të përqendroheni në kohë. Metodologjia e McKeown më ndihmoi të thoja në mënyrë strategjike “jo” për gjithçka tjetër në jetën time, madje edhe për gjëra të mira.

I SHOULDN’T BE TELLING YOU THIS

Kate White shërbeu si Drejtore e Përgjithshme e Cosmopolitan për 14 vite dhe mbikëqyri vitet e pikut të ndikimit kulturor të revistës. Në libër, këshillat për karrierën vijnë në një mënyrë argëtuese.

WEIRD IN A WORLD THAT’S NOT

Jennifer Romolini është zyrtare kryesore e përmbajtjes së Shondaland.com. Ajo ka bërë diçka të drejtë me jetën dhe karrierën e saj. Romolini rrëfen se si e gjeti veten në moshën 24-vjeçare si dikush që kishte braktisur universitetin, e divorcuar, dhe që nuk mund të kishte as makinën e saj. Libri është për ata që mund të ndjehen si të huaj, dhe tregon se jo çdo histori suksesi ndodh brenda natës.

THE NEW RULES OF WORK

Njohja me një libër karriere nga themeluesit e faqes së njohur të karrierës, The Muse, do të ishte e mirë. Libri me autorë Alexandra Cavoulacos dhe Kathryn Minshew nuk zhgënjen. Ai është për çdokënd që kërkon të përparojë karrierën ose të fillojë një punë të re, me një kthesë moderne. Autorët theksojnë se sa shumë ka ndryshuar peizazhi vitet e fundit dhe i ndihmon lexuesit të qëndrojnë të mprehtë.

Përgatiti: Jonida GJUZI | Botuar në Revistën “Psikologjia”, Nr. 152

Artikuj të ngjashëm