Nga narcisti tek i dhunshmi, larmia e kategorisë së meshkujve është kaq e gjerë dhe e ndryshme. Por, përgjithësisht, të gjithë ne, e sidomos vajzat jemi të prirur për të jetuar një histori të qetë e të lumtur dashurie. Ndodh ndonjëherë pa dëshirë, që të përfshihemi në raporte konfliktuale dhe të vështira, ndaj që të mos përfundojmë në ndarje apo në situata më të ndërlikuara ne po jua lehtësojmë jetën…
Po ju tregojmë gjashtë llojet e burrave që duhet të shmangni për të jetuar një histori pasionante e të qetë dashurie…
Narcisisti. Meshkujt narcisistë përgjithësisht merren me veten dhe ata nuk mund të duan dikë tjetër. Ju i njihni ata sepse janë të bukur, janë diskret dhe aspak modest. Ata kalojnë shumicën e kohës duke parë veten në pasqyrë sesa duke të parë ty.
Mashkulli i zënë gjithë kohës. Ju mund të bini në dashuri me një mashkull të angazhuar me biznes apo punë të ndryshme, por jini të vetëdijshëm se në 99% të kohës të gjitha premtimet që do të bëni për të ardhmen tuaj së bashku nuk do të mbahen. Për më tepër, edhe nëse ai e la gruan për ty, asgjë nuk të siguron që ai nuk do të të lërë për një tjetër. Pra, mendoni me kujdes para se të vendosni veten në një situatë nga e cila do të jetë shumë e vështirë të dalësh.
I pambrojturi. Djemtë që jetojnë ende me mamatë e tyre edhe pas të 30-tave, duhen të shmangen në mënyrë të menjëhershme. Plotësisht të paaftë për të marrë përgjegjësitë mbi vete, ata gjithmonë tentojnë të krijojnë një lidhje të fortë me varësi emocionale, qoftë me mamanë apo me partneren e tyre.
Djaloshi i përjetshëm. Kjo është një kategori jashtëzakonisht e bezdisshme. Ata gjithmonë sillen si fëmijë të lumtur dhe të gjallë. Mund të duken të papërmbajtshëm e zbavitës, por në një afat të gjatë, një marrëdhënie me ta bëhet e lodhshme. Lërini vetëm më mirë.
Don Zhuani. A ju intereson një mashkull i rrethuar nga gratë? E pra, e dini se ato gra do të vazhdojnë ta rrethojnë atë edhe kur të jeni së bashku. Është kjo ajo që dëshironi?
Mashkulli i dhunshëm. Këtu nuk ka dyshim! Një mashkull i dhunshëm duhet të shmanget gjithmonë! Nëse filloni të vëreni një qëndrim agresiv, edhe me gojë, largoheni sa më shpejt që të jetë e mundur, mos lejoni veten të bindeni nga mijëra justifikime. Dhe nëse nuk mund ta heqësh atë, kërkoni menjëherë ndihmë nga një qendër kundër dhunës ose nga të njohurit tuaj. Një mashkull i dhunshëm nuk mund të jetë kurrë një zgjidhje e mirë.
Burimi / Intv.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
