Eksploroni përshkrimet e hollësishme të secilit prej 16 llojeve të personalitetit për të mësuar më shumë për veten dhe të dashurit tuaj. 16 llojet e personalitetit u krijuan nga Isabel Myers dhe Katharine Briggs, zhvilluesit e vlerësimit MBTI®. Myers dhe Briggs krijuan tipologjinë e tyre të personalitetit për të ndihmuar njerëzit të zbulojnë pikat e tyre të forta dhe të fitojnë një kuptim më të mirë se si njerëzit janë të ndryshëm.
Kur të zbuloni llojin tuaj të personalitetit, do të kuptoni më qartë pse bëni gjërat që bëni. Do të fitoni besim në pikat tuaja të forta dhe do të jeni më të aftë të merrni vendime që i përshtaten natyrës suaj të vërtetë.
Shëruesi
Këta persona janë idealistë e të udhëhequr nga vlerat dhe besimet e tyre thelbësore. Për një shërues, mundësitë janë kryesore: realiteti i momentit është vetëm shqetësues. Ata shohin potencial për një të ardhme më të mirë dhe ndjekin të vërtetën dhe kuptimin me aftësinë e tyre.
Mendimtari
Personat me këtë lloj personaliteti u japin zgjidhje analitike problemeve, sistemeve dhe proceseve me idetë e tyre inovative. Ata kanë një talent për të parë mundësitë për përmirësim, qoftë në punë, shtëpi, ose në vetvete.
Këshilltari
Janë edukatorë krijues me një ndjenjë të fortë të integritetit personal dhe një përpjekje për të ndihmuar të tjerët të kuptojnë potencialin e tyre. Krijues dhe të përkushtuar, ata kanë talent për të ndihmuar të tjerët me zgjidhje origjinale për sfidat e tyre personale.
Arkitekti
Njerëz novatorë filozofikë, të magjepsur nga analiza logjike, sistemet dhe dizajni. Janë të preokupuar me teori dhe kërkojnë ligjin universal pas gjithçkaje që shohin. Ata duan të kuptojnë temat bashkuese të jetës, me gjithë kompleksitetin e tyre.
Kampioni
Krijues të përqendruar te njerëzit me përqendrim te mundësitë dhe aktivitetet e reja. Energjikë, të ngrohtë dhe të apasionuar. Këtyre personave u pëlqen të ndihmojnë njerëzit e tjerë të eksplorojnë potencialin e tyre krijues.
Komandanti
Udhëheqësit strategjik për të motivuar dhe për të organizuar ndryshime. Janë të shpejtë për të parë joefikasitetin dhe të konceptualizojnë zgjidhje të reja, si dhe të gëzojnë zhvillimin e planeve me rreze të gjatë për të përmbushur vizionin e tyre. Ata shquhen për arsyetimin logjik dhe zakonisht janë të artikuluar dhe mendjeshpejtë.
Vizionari
Janë inovatorë të frymëzuar, të motivuar për të gjetur zgjidhje të reja për probleme sfiduese intelektuale. Janë kureshtarë dhe të zgjuar dhe kërkojnë t’i kuptojnë njerëzit, sistemet dhe parimet që i rrethojnë.
Mbrojtësi
Kujdestarët e zellshëm, besnikë ndaj traditave dhe organizimeve. Janë praktikë, të dhembshur dhe të kujdesshëm dhe të motivuar të sigurojnë të tjerët dhe t’i mbrojnë ata nga rreziqet e jetës.
Mësuesi
Janë organizatorë idealistë, të shtyrë për të zbatuar vizionin e tyre për atë që është më e mira për njerëzimin. Shpesh veprojnë si katalizatorë për rritjen njerëzore për shkak të aftësisë së tyre për të parë potencial tek njerëzit e tjerë dhe karizmës së tyre për t’i bindur të tjerët për idetë e tyre.
Dinamiku
Janë kërkues të entuziazmit energjik të cilët në rastin më të mirë ndodhen aty për të shuar zjarret, qofshin ato letrare apo metaforike. Ata sjellin ndjenjën e energjisë dinamike në ndërveprimet e tyre me të tjerët dhe botën përreth tyre.
Mbikëqyrësi
Tradicionalë e punëtorë, të etur për të marrë përgjegjësitë në organizimin e projekteve dhe njerëzve. Janë të rregullt, u përmbahen rregullave dhe janë të ndërgjegjshëm. U pëlqejnë t’i kryejnë gjërat vetë dhe priren të bëjnë projekte në një mënyrë sistematike, metodike.
Përgatiti Gea Veizi, maturante, gjimnazi “P.N.Luarasi” / Burimi truity.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
