Dita e Luleve, ndryshe festa e ripërtëritjes, po kthehet nga viti në vit në një traditë festive për qytetin e Shkodrës. Aktivitetet ndryshe nga 14 marsi i kremtuar si festë pagane në qytetin e Elbasanit, për Shkodrën mbajnë datën e 6 majit. Aktivitetet nisin në pedonalen “Kolë Idromeno” dhe sheshi “Luigj Gurakuqi” si dhe shoqërohet me hapjen e panairit të punimeve të artizanatit.
Në Shkodër të gjithë i këndojnë Lule Borës, Karafilave, luleve të bukura që sjell pranvera e madje edhe lules së Majit, muajit në të cilin ndodhemi. E ky qytet e ka një arsye, sepse është i bahçeve plot lule, të cilave i ka kushtuar 150 tekste këngësh dhe 6 Majin e ka pagëzuar si “Dita e luleve”.
Kjo festë e ripërtëritjes festohet në Shkodër plot gjallëri dhe jetë, ashtu siç është mesazhi kësaj dite. Pjesëmarrës të aktiviteteve artistike janë banda frymore e qytetit, orkestra popullore, formacioni i harqeve, si dhe grupe të ndryshme artistike.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
