Ish-instruktorja e jogës vuri në dukje se si ajo ashtu edhe bashkëshorti i Markle, Princi Harry, nuk mund ta “mbronin” ish-aktoren nga urrejtja e mediave që ajo mori në mes të marrëdhënies së saj me familjen mbretërore.

“Ajo ishte kapur vazhdimisht nga këto komente të cilat ia kishin ‘marrë’ shpirtin,” tha Ragland për Markle. Intervista emocionale e Ragland vjen dy vite pas rrëfimit të 41- vjeçares, e cila asokohe ndau publikisht betejën e saj me mendimet për vetëvrasje për herë të parë.

“Unë thjesht nuk doja të isha më e gjallë,” i tha Markle Oprah Ëinfrey-t gjatë një interviste bombë në mars 2021. “E dija që nëse nuk e thoja, do ta bëja. Dhe ky ishte një mendim i vazhdueshëm shumë i qartë, i vërtetë dhe i frikshëm.”

Dukesha e Sussex shpjegoi se ndërsa ishte shtatzënë me djalin e saj , Archie, në janar 2019, ajo i tha Harryt se nuk mund të “dilte vetëm” përpara një ngjarjeje në Royal Albert Hall.

“Nëse zmadhoni foton, mund të shihni se sa fort janë kapur gishtat e tij rreth gishtave të mi,” tha Markle. “Mund të na shihni duke buzëqeshur dhe duke bërë punën tonë, por ne të dy thjesht po përpiqeshim të qëndronim në këmbë.”

38-vjeçari, pranoi gjatë shfaqjes së Netflix se ai “urren” veten për mënyrën se si reagoi ndaj rrëfimit të gruas së tij.

“Unë nuk e kam trajtuar atë veçanërisht mirë,” kujton Princi. “Ajo kishte nevojë nga unë ishte shumë më tepër sesa unë mund të jepja.”

Çifti u largua nga Anglia në janar 2020 dhe tani jeton në Montecito, Kaliforni, me Archie, 3 vjeç, dhe vajzën e tyre 1-vjeçare, Lilibet.