Kanceri i gjirit është më i shpeshtë tek gratë, por nuk mungon tek burrat. Për këtë arsye, mamografia është ekzaminim parandalues që i ndihmon të dyja gjinitë për të mësuar rreth sëmundjes së rëndë.
Shoqata Amerikane e Kancerit thotë se 2,670 raste të reja të kancerit të gjirit tek burrat në SHBA do të diagnostikohen në vitin 2019 dhe rreth 500 mund të jenë fatale.
“Mamografia ndihmon në diagnostikimin e hershëm të kancerit të gjirit tek gratë, por burrat nuk i ndjekin këto lloj ekzaminimesh. Për këtë arsye, ka më shumë të ngjarë të diagnostikohen në një fazë më të avancuar “, tha Yiming Gao, kreu i studimit në Departamentin e Radiologjisë në Universitetin e Nju Jorkut.
Sidoqoftë, ekzistojnë të dhëna se shërbimi i mamografisë tek burrat mund të jetë i dobishëm. Studimi në Nju Jork shqyrtoi rezultatet e mamografisë në 1,869 burra, të moshës 55 vjeç, për një periudhë 12 vjeçare.
Burimi / OraNews
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
