Pas një gjumi të shëndetshëm, mos harroni asnjëherë të hani mëngjes: vakti i parë i ditës, i cili hahet pas një agjërimi brenda natës, është i nevojshëm për të rimbushur trupin. Fillimi i aktiviteteve të përditshme pa ngrënë do të thotë të aktivizoni mekanizmin e urisë në atë mënyrë që kontroli i vetes gjatë kohës së drekës të bëhet më i vështirë dhe i rrezikshëm për dietën: këtu janë disa këshilla për të mbrojtur energjinë dhe siluetën.
Mëngjesi dhe metabolizmi, një mekanizëm shumë i rëndësishëm: mëngjesi jo vetëm që na lejon të kemi një përforcues të energjisë, por edhe të jemi më efektiv. Studimet tregojnë se kaloritë e marra në mëngjes metabolizohen më lehtë sesa ato të marra në drekë dhe darkë dhe gjithashtu lejojnë parametra më të mirë kardio-metabolikë, të tilla si mbajtja e një peshe të saktë të trupit, një rrezik i reduktuar i diabetit si dhe zvogëlon gjasat e sëmundjeve kardiovaskulare. Jo vetëm kaq: mëngjesi ju ndihmon të arrini një performancë më të mirë njohëse, një fakt i rëndësishëm për ata që shkojnë në shkollë ose në punë.
Kaloritë, le t’i llogarisim: sipas hulumtimit, vakti i parë i ditës duhet të garantojë 15 deri në 25% të energjisë totale ditore, ose rreth një të katërtën e totalit. Ndryshimi i ushqimeve është thelbësor jo vetëm për një marrje korrekte të ushqyesve, por edhe për ta bërë vaktin më të këndshëm dhe të shijshëm. Për zakonet tona të të ngrënit, ushqimet më të konsumuara në mëngjes janë kryesisht drithërat, frutat, qumështi dhe derivatet e tij për një konsum kalorik prej rreth 400/500 kalori.
Qumësht ose kos: qumështi është një ushqim i pasur me lëndë ushqyese thelbësore, të tilla si proteina me cilësi të lartë, kalcium, zink, vitamina B2, B12 dhe B6 dhe kontribuon ndjeshëm në nevojat e energjisë, si dhe makro dhe mikroelementëve në të gjitha fazat e jetës. Cilësitë ushqyese të qumështit janë veçanërisht të rëndësishme në momente të caktuara të jetës: në fazat e rritjes, në shtatzëni dhe në moshë shumë të rritur, si për përmbajtjen e proteinave, po ashtu edhe për kontributin e çmuar të kalciumit.
Drithërat, të mirë dhe të dobishëm: në vaktin e parë të ditës rekomandohet të konsumoni drithëra, mundësisht të plotë, për të rritur marrjen e fibrave që janë të afta për të dhënë një ndjenjë të ngopjes dhe për të parandaluar konsumimin e tepërt të ushqimit gjatë ditës. Studimet e fundit tregojnë se fëmijët dhe adoleshentët që konsumojnë rregullisht drithëra në mëngjes kanë më pak të ngjarë të konumojnë një sasi vitaminash dhe mineralesh nën mesataren e rekomanduar ditore, gjithashtu edhe në lidhje me kalciumin, pasi konsumimi i tyre shpesh shoqërohet me atë të qumështit.
Bukë dhe reçel: një klasik i shkëlqyer i mëngjesit tonë është buka me reçel, gjithmonë shumë e mirëpritur dhe gjithashtu shumë e shëndetshme. Ne përqendrohemi te buka integrale në të cilën shtojmë reçel, ndoshta me një përqindje shumë të lartë të frutave dhe pa sheqerna të shtuara: përveç sigurimit të sasisë së saktë të fibrave, sheqernat e thjeshta të reçelit shoqërohen me niseshte. Një përzierje e përsosur për një çlirim të vazhdueshëm të energjisë gjatë mëngjesit.
Frutat, lëngjet dhe sallatat me fruta: frutat janë një ushqim i shkëlqyeshëm për t’u ngrënë për mëngjes. Sigurojnë vitamina, antioksidantë, fibra pa e lodhur sistemin tretës dhe stimulojnë detoksin e trupit. Po, edhe për lëngun e frutave, për sa kohë që nuk përmban sheqerna të shtuara: është i pasur me antioksidantë dhe kripëra minerale, i përsosur për mëngjes. Në vend të kësaj, jo pijeve me sheqer, shpesh të varfër në fruta, por të pasura me ngjyra, konservantë dhe sheqerna. Sa i përket sallatës me fruta, vëmendja duhet t’i kushtohet përgatitjes: kurrë mos shtoni sheqer, por ndoshta vetëm lëng portokalli, patjetër më i ëmbël se limoni dhe perfekt për përzierjen e aromës së frutave.
Burimi / https://www.tgcom24.mediaset.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
