Një ushtrim i vetëm ka rezultate të ngjashme me 12 javë stërvitje. Ushtrimi ofron një mori përfitimesh, si p.sh: do të ndiheni më të lumtur dhe madje shumë më mirë fizikisht. Por, studimet e fundit kanë dalë në përfundimin se ky ushtrim i vetëm mund të përmirësojë kujtesën.
Konkretisht, në një studim të botuar në Medicine & Science in Sport & Exercise, studiuesit nga Universiteti i Iowa zbuluan se vetëm një ushtrim në një kohë të caktuar është i mjaftueshëm për të përmirësuar kujtesën e njerëzve të moshuar. Në eksperimentet që përfshijnë aktivitetin fizik, testet e trurit dhe testet e kujtesës, studiuesit zbuluan se pjesëmarrësit që bënin një ushtrim të vetëm kishin të njëjtat përfitime njohëse dhe përmirësuan kujtesën si ata që ushtroheshin më shumë dhe rregullisht.
“Një aspekt pozitiv i këtij studimi është se ai ofron mundësinë për të parë përfitimet dita ditës. Duke marrë parasysh ndryshimet e sjelljes dhe përfitimet nga ky aktivitet, i cili mund të ushtrohet sot dhe të shihen rezultatet. Pra, nuk keni nevojë të stërviteni për kohë të gjatë për të marrë përfitimet më të mira”, tha Michelle Voss, profesor në Departamentin e Psikologjisë dhe Shkencave, i cili është dhe autor i studimit.
Hulumtimet e mëparshme kanë treguar se ushtrimi mund të sigurojë gjendje të mirë shpirtërore, që ndryshon nga personi në person. Tek dikush mund të përmirësojë aftësinë njohëse, kujtesën, ndërsa tjetri mund të ketë pak ose aspak ndryshime. Sidoqoftë, ka hulumtime deri më tani se si një kurs i vetëm i aktivitetit fizik mund të ndikojë në kujtes e njerëzve të moshuar.
Prandaj, Dr. Voss ka testuar 34 të rritur të shëndetshëm midis moshës 60 dhe 80 vjeç të cilët nuk ushtroheshin rregullisht. Secilit prej tyre iu kërkua të bënte ushtrime me biçikletë në fillim duke u ushtruar pak minuta dhe më pas deri në 20 minuta.
Para dhe pas ushtrimeve, pjesëmarrësit iu nënshtruan një testi të trurit dhe një testi kujtese. Studiuesit zbuluan se disa individë kishin rritur lidhjen midis lobit të përkohshëm medial (qendrës së kujtesës së trurit) dhe cerebelumit dhe lobit frontal. Të njëjtët individë performuan më mirë në testet e kujtesës, ndërsa të tjerët treguan nivel më të ulët të saj.
“Përfitimet mund të jenë shumë më të shpejta nga sa mendojnë disa njerëz. Ajo që shpresojmë është se shumë njerëz do të vazhdojnë të praktikojnë, pasi këto përfitime janë të përkohshme,” shprehet Dr. Voss.
Pjesëmarrësve iu kërkua gjithashtu të bënin ushtrime të rregullta me biçikletë për 50 minuta tre herë në javë gjatë tre muajve. Një grup duke bërë ushtrime me biçikletë me intensitet mesatar dhe të tjerë me më pak ritëm. Në të dy rastet ndryshimet ishin të dukshme dhe aftësitë e tyre të kujtesës ishin shumë më mirë se në fillim.
Në studim morën pjesë persona që nuk kishin probleme shëndetësore apo sëmundje kronike. Studimi do të vazhdojë edhe më tutje, duke e zgjatur afatin në 5 vite për të mësuar më shumë rreth këtij ushtrimi i cili ndikon në përmirësimin e kujtesës tek njerëzit e moshuar.
Burimi / TvKlan.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
