Ka disa mënyra sesi mund të përmirësoni shëndetin tuaj, dhe veçanërisht shëndetin e zemrës. Shoqata Amerikane e Zemrës tregon 7 mënyra të thjeshta për të menaxhuar shëndetin e zemrës.
- Mbani nën kontroll presionin e gjakut
“Është shumë e rëndësishme të monitoroni presionin e gjakut, sepse hipertensioni është një nga shkaqet më të zakonshme të sëmundjeve dhe goditjeve të zemrës”-tha Karas
Ajo shtoi se nëse presioni i gjakut tuaj është i lartë, të mos shqetësoheni sepse është lehtësisht i trajtueshëm. Ka shumë medikamente të mira të cilat ndihmojnë për të kontrolluar presionin e gjakut dhe për të përmirësuar shëndetin e zemrës.
- Kontrolloni kolesterolin
Kolesteroli konsiston tek yndyrnat në gjak dhe me kalimin e kohës këto yndyrna bllokojnë venat dhe të shkaktojnë arteriosklerozë. Kjo gjendje çon në ngushtimin e arterieve që mund të shkaktojnë sëmundje të zemrës, goditje, dhe probleme të tjera të zemrës.
- Reduktoni sheqerin në gjak
Diabeti është një sëmundje e cila nuk mund të mbajë nën kontroll nivelin e sheqerit në gjak dhe kjo mund të shkaktojë probleme në zemër dhe sistemin kardiovaskular.
- Qëndroni aktivë
Aktiviteti fizik është shumë i rëndësishëm për shëndetin e zemrës, veçanërisht për njerëzit të cilët kanë sëmundje kronike. Mjaftojnë 30 minuta në ditë, për 5 ditë të javës, për të mbajtur zemrën tuaj të shëndetshme.
- Përmirësoni dietën tuaj ushqimore
Për zemrën duhet një dietë e shëndetshme e cila është e fokusuar tek frutat, perimet, drithërat dhe proteina të varfra. Shmangni yndyrnat, sheqerin, kripën dhe mishin e kuq.
- Humbisni peshë
Obeziteti është një nga shkaqet kryesore të sëmundjeve të zemrës. Heqja e disa kilogramëve do të përmirësonte ndjeshëm shëndetin tuaj të zemrës.
- Ndaloni duhanin
Duhanpirja rrit rrezikun e zhvillimit të gjithçkaje, që nga kanceri, diabeti, dhe mund të jetë shumë i rrezikshëm për zemrën tuaj.
Burimi / OraNews
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
