Debatet janë pjesë e jetës së përditshme, dhe sigurisht të bindësh dikë të mendoj njësoj si ju nuk është e lehtë. Duhet përpjekje dhe praktikë për të zotëruar artin e të qenit i qetë, e përfshirjes me njerëzit edhe kur pikëpamjet e tyre ju shqetësojnë si dhe të fitoni respektin e tyre.
Për fat të mirë, nëse i mbani mend këto gjashtë rregulla, do të keni një shans shumë më të mirë për të marrë dikë në anën tuaj:
- Së pari, tregoni se e kuptoni perspektivën e tyre
Askujt nuk i pëlqen të ndjehet i zotëruar ose i injoruar. Nëse nuk shqetësoheni të mësoni se çfarë po mendon ose po ndjen personi tjetër, ata do të përfundojnë duke menduar se ju intereson vetëm pikëpamja juaj, gjë që do t’i bëjë ata të mbyllen dhe të mos ta vazhdojnë më tej diskutimin.
Bëni pyetje të hapura për të marrë një pasqyrë të mëtejshme të situatës. Për shembull, “Pse ndihesh kështu?” Është më efektive sesa “Atëherë jeni nxehur pra unë kam të drejtë?”. Parafrazimi dhe pasqyrimi i ideve të tyre tregon gjithashtu mirëkuptimin tuaj.
Për shembull, nëse dikush ju thotë se ata janë të mërzitur sepse ju nuk bëni kurrë pjesën tuaj të detyrave, mund të thoni, “Kështu që nga ato që po dëgjoj, ju shqetësoheni sepse mendoni se nuk bëj punë të mjaftueshme në shtëpi. Është kjo e saktë?”
- Gjeni terren të përbashkët
Nëse mund ta bëni personin tjetër që të mendojë se po punoni me ta për të gjetur një zgjidhje, ata zakonisht do të ndjehen më të prirur për të bashkëpunuar. Mos harroni, ju keni të paktën një gjë të përbashkët: Të dy dëshironi të merrni rrugën tuaj. Të pranosh këtë mund të të ndihmojë. Duke thënë, “Ne të dy kemi mendime të forta këtu, dhe të dy duam një zgjidhje të shpejtë, apo jo?”, Mund t’iu ndihmojë të dyve të adoptoni një mendim më konstruktiv.
- Qëndroni gjithnjë të respektueshëm
Në momentin kur filloni të bërtisni, të ofendoni ose të ulni personin tjetër, ju humbni besueshmërinë. Nuk ka rëndësi sa të kundërta janë këndvështrimet tuaja ose sa të vjetra apo jashtë kohe janë ato; mbetet fakt se humbja e kontrollit do të dëmtojë përshtypjen e tyre për ju dhe vetë-respektin tuaj. Nëse temperamenti juaj po mbivendoset mbi logjikën e qetë atëherë është më mirë të bëni një pushim nga debati. Asnjëherë mos gaboni të flisni ose të veproni në një mënyrë fyese ose ulëse vetëm sepse dikush është më i ri ose më i papërvojë. Ata kanë të drejtë të kenë dhe shprehin mendimin e tyre; madje mund të jenë edhe më të informuar sesa ju.
- Përqendrohuni te “si është”, jo tek “pse”
Hulumtimet tregojnë se duke i kërkuar dikujt të shpjegojë implikimet e plota të pikëpamjeve të tyre, i bën ata më të hapur ndaj ideve të reja sesa thjesht t’u kërkoni atyre të shpjegojnë pse ndjehen ashtu. Për shembull, nëse keni një debat politik me dikë, ka më shumë të ngjarë të fitoni nëse mund t’i ndihmoni ata të shohin gabimet në arsyetimin e tyre sesa nëse thjesht listoni arsyet se pse mendoni që ata janë gabim.
- Bazohuni në prova shoqërore/sociale konkrete
Njerëzit janë krijesa sociale dhe ne ndikohemi lehtësisht nga pikëpamjet dhe sjelljet e atyre përreth nesh. Ne priremi të veprojmë nën supozimin se nëse bashkëmoshatarët, miqtë ose të afërmit tanë kanë besime të veçanta, ato ndoshta janë të sakta. Ju mund ta përdorni këtë teknikë në avantazhin tuaj gjatë një argumenti duke treguar që shumë njerëz të tjerë pajtohen me pozicionin tuaj. Për shembull, nëse po përpiqeni të bindni mikun tuaj se që një makinë të jetë më e mirë se një tjetër, mund të theksoni se makina juaj e preferuar ka fituar disa çmime të konsumatorit. Të dhënat gjithashtu do të forcojnë pozicionin tuaj, veçanërisht nëse mund t’i paraqisni me grafik. Hulumtimet tregojnë se njerëzit janë të impresionuar nga paraqitjet vizive të të dhënave, ndoshta sepse ato i lidhin ato me kërkime shkencore.
- Kombinoni faktet tuaja me vetëbesim
Së fundmi, paraqitja e sigurt do të ndihmojë çështjen tuaj, edhe nëse fshehurazi ndjeheni të frikësuar. Hulumtimet tregojnë se njerëzit kanë tendencë të supozojnë se individët e sigurt kanë më shumë gjasa të jenë të saktë dhe si pasojë ata do t’i përshtatin pikëpamjet e tyre në përputhje me rrethanat. Kur dikush nuk di shumë për një temë, ata janë të prirur të drejtohen atje ku shohin se ka më shumë informacion të saktë për të dëgjuar dhe mësuar më shumë. Ideja që besimi sinjalizon ekspertizën duket të jetë e ngulitur në trurin e njeriut. Mbani gjuhën tuaj të trupit pozitive dhe do të keni më shumë të ngjarë të keni sukses në çdo debat.
Burimi / http://www.scan-tv.com/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
