Shumë prej nesh kanë rrathë të zinj poshtë syve dhe shpesh duket e vështirë për t’i larguar.
Por, ekzistojnë 5 mënyra të thjeshta për të zgjidhur këtë problem:
Përdorni feta kastraveci
Kjo metodë përdoret për të rifreskuar pamjen e lëkurës rreth syve. Vini nga një fetë të hollë kastraveci në secilin sy dhe mbajini për 10-15 minuta. Këtë procedurë mund ta bëni çdo ditë.
Vendosni qese çaji të ftohtë ose kube akulli të vogla të mbështjella me leckë të butë
Mbajini për 10-15 minuta çdo ditë. Kështu do të shmangni edhe fryrjen e syve.
Përdorni patate
Grini një patate. Mbajeni për 30 minuta me sy të mbyllur. Shpëlajini me ujë të ngrohtë.
Përdorni një lugë të ftohtë
Vendoseni lugën për 10-15 minuta në frigorifer dhe pastaj mbajeni në sy, derisa luga të marrë temperaturën e ambientit.
Përdorni krem për sytë që përmban vitaminë K dhe retinol
Rrathët poshtë syve shkaktohen zakonisht nga mungesa e vitaminës K. Një përdorim i përditshëm dhe afatgjatë i këtyre kremrave ka më shumë efekt. Në rastet kur përdorni makijazh, mund të aplikoni edhe korrektorin për të mbuluar rrathët e zinj.
Burimi / http://www.gsh.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
